web counter
LEXO PA REKLAMA!

SHKARKO APP

App Store
Google Play

E fundit!

x

“Ishulli i Sazanit, pas pak muajsh”/ Lutfi Dervishi ironizon thellë qeverinë

7 Qershor 2022, 21:46, Politikë CNA
“Ishulli i Sazanit, pas pak muajsh”/ Lutfi Dervishi ironizon
Gazetari Lutfi Dervishi

Gazetari Lutfi Dervishi ka ironizuar qeverinë lidhur me zjarrin në ishullin e Sazanit, që u neutralizua pas disa ditësh.

Me anë të një statusi në rrjetet sociale, Dervishi thotë se muaj më vonë Sazani do të rivitalizohet dhe do të jetë ishulli më spektakolar jo vetëm në Mesdhe, por më i veçantë se çdo ishull tjetër mbi dhe.

Teksa shigjeton qeverinë, ai deklaron se bunkerët e diktaturës do u lirojnë vendin komplekseve elitare turistike, jahtet do të ankorohen në vend të katër siluruesve dhe aeroportet e Vlorës dhe Sarandës do të jenë portet e reja të hyrjes.

“Ishulli i Sazanit, pas pak muajsh!

Vetëm pak muaj më parë zjarri shkatërrimtar i Sazanit, bëri shkrumb e hi florën dhe faunën e ishullit, duke lënë pas një tokë të djegur e të zhuritur që si hyn në punë as dreqit, as të birit, madje as gjyshit me antiplumb.

Por falë investitorëve strategjik XY dhe politikës vizionare të qeverisë për thithjen e investimeve të huaja, ky ishull relike e luftës se ftohte, do të rivitalizohet. Do të jetë padyshim ishulli më spektakolar jo vetëm në Mesdhe por më i veçantë se çdo ishull tjetër mbi dhé!

Bunkerët e diktaturës do i lirojnë vendin komplekseve elitare turistike, jahtet do ankorohen në vend të katersiluruesve, zhurma e komunikimeve mors, do të zëvendësohet nga ferfellima e ruletave të kazinove, ndërsa në tunelet e nëndheshme të ishullit do të hapet muzeu i të arratisurve me not nga Shqipëria, notArt.

Ju sot ende shihni pasojat e zjarrit shkatërrimtar, ndërsa ripyllezimin do e kryejë kryetari i bashkisë së Vlorës që do të zëvendësojë këtë që nuk po i them as emrin.

Aeroporti Vlorës, por edhe ai i Sarandës do të jenë portet e reja të hyrjes. Sot është ditë e veçantë për vlonjatët e paduruar që e duan ishullin të pyllëzuar ashtu si ishte! Por nga ju kërkohet vetëm pak durim!

Nuk ka kohë për pushim. Sazani i rilindur. Ishulli që duam”, shkruan gazetari./ B.A. – CNA.al





Lajmet e fundit nga