web counter
LEXO PA REKLAMA!

SHKARKO APP

App Store
Google Play

Akuzat për Erion Veliajn/ Këlliçi: Tirana nuk ka kryebashkiak, por një gjobaxhi

7 Qershor 2022, 17:27, Politikë CNA
Akuzat për Erion Veliajn/ Këlliçi: Tirana nuk ka kryebashkiak,
Deputeti i Partisë Demokratike, Belind Këlliçi

Deputeti i Partisë Demokratike Belind Këlliçi, ka akuzuar dje Kryetarin e Bashkisë Erion Veliaj, se ka harruar banorët e kryeqytetit.

Këlliçi u shpreh se, Tirana nuk ka kryebashkiak, por vetem një gjobaxhi makinash që vjel taksa dhe firmos leje ndërtimi.

Në një postim të tijin në rrjetin social "Facebook", deputeti Këlliçi shprehet se:

“Tirana kryeqyteti i të pastrehëve

Gjobaxhiu i Tiranës Erion Veliaj ka dhënë vetëm 11% të fondit të rindërtimit. Mijëra familje të prekura nga tërmeti qëndrojnë ende të pastreha.

Të vetmet banesa të reja të dorëzuara janë ato të ndërtuara nga fondacione private në Ndroq dhe Vaqarr.

Tërmeti goditi shumë rëndë godinat kolektive në Kombinat dhe në Rrugën 5 Maji. Në këto zona ende nuk ka nisur ndërtimi i asnjë godine të re.

Tirana nuk ka kryebashkiak. Ka vetëm një gjobaxhi makinash që vjel taksa dhe firmos leje ndërtimi.

U bënë disa javë që Tiranës i mungon ndriçimi publik. Zona e ish Fushës së Aviacionit është në terr. Rruga e Elbasanit, një nga rrugët kryesore hyrëse në Tiranë po ashtu nuk ka ndriçim publik, duke rrezikuar jetën e kalimtarëve dhe drejtuesëve të automjeteve.

Tiranën e jetoni përditë.

E shikoni me sytë tuaj.

Propaganda e ka mbushur kupën”./CNA.al





Lajmet e fundit nga