web counter
LEXO PA REKLAMA!

SHKARKO APP

App Store
Google Play

E fundit!

x

“Sazani digjet, Rama bredh me avion poshtë e lart”/ Berisha, thirrje për protesta të fuqishme

7 Qershor 2022, 11:44, Politikë CNA
“Sazani digjet, Rama bredh me avion poshtë e lart”/ Berisha,
Kreu i PD-së, Sali Berisha, në takim me biznesin e vogël dhe të mesëm

Kreu i PD-së, Sali Berisha, i ka bërë thirrje biznesit të vogël dhe të mesëm të ngrihen në protesta të fuqishme pasi gjendja çdo vit e më shumë po bëhet më e rëndë.

“Nëse nuk vendosemi t’i kundërvihemi me protesta të fuqishme, çdo vit e më e rëndë do të bëhet gjendja jonë si shoqëri, si biznes, si intelektualë, si qytetarë”, tha Berisha.

Ndër të tjera ka komentuar edhe situatën e zjarreve në ishullin e Sazanit, duke thënë se teksa ishulli digjet kryeministri shëtit me avion.

Sipas Berishës, çdo udhëtim i tij shkon deri në 150 mijë euro minimumi, ndërsa nuk blejnë dot një avion kundër zjarreve.

“Digjet Sazani, kreu i qeverisë bredh poshtë e lart me avion. Çdo udhëtim i tij shkon 150 mijë euro minimumi. Por një avion kundër zjarreve nuk e marrin dot. Gjithçka është në dorën e një njeriu, të një partie. Ju ftoj bashkarisht të organizojmë rezistencën ndaj këtij regjimi, që sot është monizëm total. I tillë ekziston vetëm në Bjellorusinë e Lukashenkos. Nuk duhet të kemi asnjë kompleks, vërtet ai është rreshtuar me Putinin, por sepse jemi vend i NATO-s, duhet të mbrojmë vlerat e përbashkëta të lirisë”, u shpreh Berisha./ CNA.al





Lajmet e fundit nga