web counter
LEXO PA REKLAMA!

SHKARKO APP

App Store
Google Play

Akuza për Metën/ Artan Hoxha: Është nxjerrë jashtë kontekstit

7 Qershor 2022, 21:19, Politikë CNA
Akuza për Metën/ Artan Hoxha: Është nxjerrë jashtë
Gazetari Artan Hoxha

Gazetari Artan Hoxha është pyetur mbrëmjen e sotme lidhur me deklaratën e tij se Nuredin Dumani ka dëshmuar që presidenti Ilir Meta kishte porositur vrasjen e vëllait të një ish-deputeti socialist.

Hoxha tha në "A Show" se deklarata e tij është nxjerrë nga konteksti, ndërsa theksoi se ka thënë gjithashtu se nuk duhet të merret si e mirëqenë.

“Unë dhashë një informacion në një kontekst të caktuar. Mbaj mend që edhe moderatori i emisionit ndërhyri në disa pyetje të shpejta, te Fevziu, që synojnë të mbajnë ritmin. Ai përpiqet që të kapë batutën. Mua më interesonte thelbi. 

Ky personazhi që po përdoret nuk mund të merret i besueshëm. Këtu ka probleme. Po thoja që ky është i saktë për ngjarjet që ka bërë vetë. Për ngjarjet e tjera ka folur edhe për politikanë. Kishte dalë Berisha atë ditë dhe kishte thënë që ka folur për politikanë. Ajo që thashë unë ishte, që ky e ka thënë edhe këtë. Tani a duhet ta marrim të mirëqenë? Jo. Rendita disa ngjarje dhe thashë që ka thënë edhe këtë gjë. Siç dola sot që thashë se ka folur për një tender 300 milionë lekë, kanë marrë pjesë në një tender, kanë ndërhyrë direkt te jetët tona. Thelbi i moderatorit ishte kush është kjo. Ore këta kanë ndërhyrë në tender. Unë thash që kjo duhet të verifikohet, sepse e dija që do të përdoret. Meta tha këtë gjë, SPAK-u tha këtë gjë. Unë SPAK-un e rrëzoj. Para 1 muaji tha media se Dumani po flet, SPAK-u doli dhe tha jo nuk është e vërtetë. Por Dumani foli. Rrëshqiti një fjali. Kur unë thashë këtë gjë, ishim në raundin e katërt të zgjedhjes së Presidentit. Ai ndodhej jashtë shtetit. Dhe këtu hynë teoritë konspirative që unë me porosi të kryeministrit i bëra presion Presidentit... Kush ishte problemi? Makineria e pushtetit dhe mediave të pushtetit ishte aq e fuqishme sa e shkëputi nga konteksti dhe e lëshoi...”, theksoi gazetari./ B.A. - CNA.al





Lajmet e fundit nga