E fundit!

19:37 Aktualitet

Mbahet protesta e 25-të kundër qeverisë, qytetarët ‘sfidojnë’ shiun

Këtë të mërkurë ka nisur grumbullimi i qytetarëve për prot...

“PD nuk fiton përballë kandidatëve të Ramës”/ Duka: PAA do të dalë e vetme në zgjedhjet e ardhshme

7 Qershor 2022, 19:52, Politikë CNA

Kreu i PAA, Agron Duka

Partia Agrare Ambientaliste do të dalë e vetme në zgjedhjet e ardhshme, por si pjesë e opozitës. Këtë gjë e ka bërë të ditur kreu i kësaj partie Agron Duka. Në një intervistë për media, ai tha se PAA ka vënë qëllim të qartë për arritjen e 50 mijë votave në të gjithë vendin, si dhe synimin që të përfaqësohet me nga dy këshilltarë në bashki, por këta jo nga lista e PD-së.

“Kemi vënë objektiv që do të synojmë nga dy këshilltarë për bashki, duam 50 mijë vota në të gjithë Shqipërinë. Kjo do të jetë një trampolinë e mirë për zgjedhjet e ardhshme parlamentare.

Për herë të parë pas 6 vitesh që unë jam kryetar i PAA-së, duam të garojmë me siglën e PAA, për arsye të ndryshme. Kësaj radhe do të hyjmë, çfarëdo që të bëhet. Ne do të hyjmë në zgjedhjet vendore, nuk dëshirojmë të fusim anëtarët e Këshillit Bashkiak në listat e PD, duam t'i kemi më vete. Nëse brenda nesh do të futen forca të reja, mund të bëjmë lista të reja”, u shpreh Duka.

Lidhur me situatën në Partinë Demokratike, Duka deklaroi se është e ndarë në dy pjesë ku shumica është te Grupi i Rithemelimit. Sipas tij, njëra palë pa tjetrën nuk fiton dot.

“Ti s’mund të fitosh dot kundër kandidatit të majtë. Nuk ka luks opozita të humbë asnjë votë. Sipas meje, është shumë e vështirë të bashkohen dhe unifikohen.

Këto dy palë do të krijojnë dy parti politike, duhet t’i bëjnë sa më shpejtë në mënyrë që të gjejmë fije kontakti dhe të nxjerrin kandidatë politikë. Pse nuk e gjejnë dy palët guximin. Grupi Alibeaj të marrë guximin të dalë me parti më vete, ndoshta më vonë do të rishkrihen pas.

Sot e kanë shumë të vështirë të ribashkëpunojnë njëri me tjetrin. Nëse do të bashkohen, bashkohuni se nuk kanë më kohë. Sali Berisha edhe të mos e ketë siglën e PD-së, do të marrë vota më shumë se çdokush tjetër nga e djathta.

Grupi i Rithemelimit e shkundi PD-në nga një letargji e gjatë, ku fajin kryesor ia atribuoi lidershipit Lulzim Basha dhe vendimet e marra prej tij i cilësoi si penalizim. Sali Berisha i vetëm me Grupin e Rithemelimit, nuk e sjellin dot Partinë Demokratike në pushtet”, u shpreh Duka./E.K-CNA.al