web counter
LEXO PA REKLAMA!

SHKARKO APP

App Store
Google Play

Opozita bojkotoi “Presidentin”/ Shehi: Treguan një paaftësi të madhe

7 Qershor 2022, 20:05, Politikë CNA
Opozita bojkotoi “Presidentin”/ Shehi: Treguan një
Dashamir Shehi

Bojkoti që opozita i bëri procesit të presidentit për kreun e LZHK-së, Dashamir Shehi, tregoi një paaftësi.

Në një intervistë për “Frontline”, Shehi u shpreh se opozita në këtë proces e humbi shansin e saj dhe se sipas tij tregoi një paaftësi të madhe.

“Ata nuk propozuan asnjë, jo se nuk vendosën emrin tim, por treguan një paaftësi të madhe. Kjo luftë që ka 10 vite që ka filluar, vijoi po me të njëjtën filozofi edhe me çështjen e presidentit. Nuk ka rëndësi, Presidentin do ta zgjidhte Edi Rama, por opozita do të paguajnë çmimin e faturave të saj. Grupi i Berishës e përdori këtë punë për të goditur grupin tjetër. Grupi i Alibeajt, gabuan. Kjo punë u bë pazar…

U bë një skemë politike që nuk kishte vlerë. Këtu hyhej për të fituar dinjitet opozita, jo se humbi emrin tim, por opozita e humbi këtë shans. Ne si grup i vogël bëmë detyrën tonë, por opozita humbi shansin për të treguar se ka peshë në politikë. Ky grupi i Alibeajt tregoi se nuk ka vizion. Këtu nuk ka nevojë për marrëveshje, Kushtetuta na e ka dhënë të drejtën. Uroj që ky njeri, që është i zgjedhur i Edi Ramës, të bëhet president i të gjithë palëve. Jeta politike e tregon nëse je apo jo i pavarur. Ky njeri deri tani është zgjedhur president dhe për t'u bërë besoj se ka gjithë kohën përpara”, tha ai./E.K-CNA.al





Lajmet e fundit nga