web counter
LEXO PA REKLAMA!

SHKARKO APP

App Store
Google Play

“Po thashë ato që di, nuk del më në TV”/ Plas keq mes Peleshit dhe Premçit: Ballafaqohemi në Prokurori

8 Qershor 2022, 10:09, Politikë CNA
“Po thashë ato që di, nuk del më në TV”/ Plas
Niko Peleshi dhe Shemsi Premçi

Ministri i Mbrojtjes, Niko Peleshi, dhe ish-kreu i Emergjencave civile, Shemsi Premçi, kanë pasur një debat shumë të ashpër në emisionin "Open".

Premçi ka akuzuar ministrin Peleshi se nuk ka në gatishmëri flota ajrore për të shuar zjarret.

Peleshi i është kundërpërgjigjur duke thënë se nuk mund të bëhen këto akuza duke qëndruar në banaqet e studiove televizive, ndërsa e ka paralajmëruar se po tregoi ato që di, Premçi nuk do të mund të dalë më në studio televizive.

Ish-kreu i Emergjencave Civile, nga ana tjetër e ka ftuar të ballafaqohen në Prokurori.

Pjesë nga debati:

Shemsi Premçi: Ke 30 minuta që po anashkalon të vërtetën. Pse duhet të të marrim ty për model të së vërtetës.

 

Peleshi: Unë s’mund të kënaq pritshmërinë tënde dhe të them që forcat e Armatosura janë zero apo që nuk kemi asgjë në gatishmëri.

 

Shemsi Premçi: Përsëri nuk jeni model i së vërtetës.

 

Peleshi: Forcat e Armatosura që përballen me të gjithë ju që rrini gjithë ditën nëpër banaqe që vetëm shani dhe fyeni duke thënë se ata janë ushtarë të lodhur.

 

Shemsi Premçi: Unë thashë flota ajrore nuk është në gatishmëri, jo Forcat e Armatosura.

 

Peleshi: Ti ke punuar më parë në emergjencat civile dhe e di se ç’do të thotë.

 

Shemsi Premçi: Ju jeni modeli i gënjeshtrës me këto që thua.

 

Peleshi: Po të më ngacmoni më tepër mund të them edhe diçka më shumë zotit Premçi...

 

Shemsi Premçi: Hajde të ballafaqohemi në emision ballë për ballë ose në prokurori. Të ftoj dhe të sfidoj të ballafaqohemi këtu në ‘Open’ ose në prokurori.

 

Niko Peleshi: Po thashë ato që  di, nuk ke për të shkuar më nëpër banaqe.

 

Shemsi Premçi: E sfidoj sepse pretendoj se unë jam me të vërtetën./ CNA.al





Lajmet e fundit nga