web counter
LEXO PA REKLAMA!

SHKARKO APP

App Store
Google Play

“Një pikëpyetje Presidenciale”/ Boçi hedh dyshime: Çfarë duhet të vërtetojë Begaj

8 Qershor 2022, 12:52, Politikë CNA
“Një pikëpyetje Presidenciale”/ Boçi hedh dyshime:
Bajram Begaj

Nënkryetari i PD-së, Luçiano Boçi, ka ngritur një pikëpyetje mbi Presidentin e zgjedhur, Bajram Begaj.

Përmes një reagimi në rrjetet sociale shkruan se për hir të transparencës dhe detyrimit ligjor, Presidenti i zgjedhur, Bajram Begaj, duhet të nxjerrë online tezën e doktoraturës dhe njëkohësisht të gjithë artikujt shkencorë që kanë paraprirë mbrojtjen e kësaj doktorature si dhe të dhënat e plota kohore të mbrojtjes, pasi në CV shkruhet se mban titullin Profesor i Asociuar dhe ka fituar gradën Doktor në fushën e mjekësisë.

“NJË PIKËPYETJE PRESIDENCIALE

Në CV-në e tij Presidenti i votuar shënon që mban titullin Prof. As dhe ka fituar gradën Doktor në fushën e mjekësisë.

Për hir të transparencës dhe detyrimit ligjor, Presidenti duhet të nxjerrë online tezën e doktoraturës dhe njëkohësisht të gjithë artikujt shkencorë që kanë paraprirë mbrojtjen e kësaj doktorature si dhe të dhënat e plota kohore të mbrojtjes.

Rama vetë shpesh ka stigmatizuar gradat dhe titujt shkencorë të dhënë para se ai t’i ndalonte ato për një kohë të gjatë.

Ndërsa akuzat për plagjiatura deri në nivel ministrash, nuk kanë munguar dhe Presidenti duhet të jetë i zhveshur nga një hije e tillë, duke i bërë publike punimet e tij.

Titulli Prof.As sipas ligjit fitohet në bazë të një karriere akademike (duhet për 10 vite të jesh pedagog definitiv, në total, në një nga institucionet e arsimit të lartë dhe së paku 5 vite pa shkëputje, pas marrjes së gradës Doktor) dhe botimeve shkencore.

Në CV-në e paraqitur mungon karriera akademike dhe ajo duhet të shoqërohet dhe me setin e punimeve shkencore.

Çdo hezitim presidencial, apo shmangie me qëllim e këtyre të dhënave do e vinte në dyshim betimin e tij solemn”, shkruan Boçi./ CNA.al





Lajmet e fundit nga