LEXO PA REKLAMA!

SHKARKO APP

E fundit!

x

Rritja e çmimeve/ Z. Berisha, lëri statuset e gazetarëve dhe politikën e "Facebook"-ut, trego si bëhet opozitë

8 Qershor 2022, 18:37, Politikë CNA
Rritja e çmimeve/ Z. Berisha, lëri statuset e gazetarëve dhe
Kryetari i PD-së, Sali Berisha

Çmimi i naftës dhe çmimet e ushqimeve të shportës po ngrihen çdo ditë e më shumë, duke rënduar xhepat e familjeve shqiptare.  Askush nuk flet, askush nuk ngre zërin, ka mbetur politika në statuse "Facebook"-u e rreshta "Instagram"-i, për të ardhur keq.

Shqiptarëve po u shkon thika në palca, kriza ekonomike dhe korrupsioni që është ulur këmbënkryq nga një qeveri, së cilës nuk ka kush t'i kërkojë llogari dhe t'i prishë rehatinë.

Ndërkohë, opozita shqiptare është ende e kyçur në kafazin e saj, duke mos gjetur dot derën për të dalë.

Zoti Berisha, zgjohu, ngrihu dhe organizo partinë, organizo popullin, që po i shtrëngohet laku gjithnjë e më shumë.

Lëri statuset në "Facebook", lëri komentet e gazetarëve, të cilët deri më tani janë të vetmit që po ngrenë zërin, por janë të pafuqishëm pët të ndryshuar gjë.

Mblidh popullin dhe mos i prij në besë demokratët.  

Ju the se do të ketë aksione politike, ju the se nuk do të lejosh t’ju vënë këmbën në fyt, ju the se do të këpusësh lakun e korrupsionin.

Çpo bëhet ?!

Ku je?

Akoma nuk e kuptove se nuk bëhet politika në "FB", nuk bëhet politikë me statuse siç bënte Luli!

Njerëzit duan të shohin fakte, duan të shohin se diçka po lëviz dhe ka shpresë për këtë vend.

Nafta shkoi 260 lek, mielli është bërë më i shtrenjtë se droga, vaji quhet luks, nuk e dimë zoti Berisha, si rrini ende në "FB" dhe bëni statuse duke e ngritur shqetësimin nga zëri i gazetarëve!/CNA.al

 

Lajmet e fundit nga