web counter
LEXO PA REKLAMA!

SHKARKO APP

App Store
Google Play

E fundit!

x

Biseda dhe dhurata/ Moisiu zbulon detaje nga takimi me Begajn

8 Qershor 2022, 22:40, Politikë CNA
Biseda dhe dhurata/ Moisiu zbulon detaje nga takimi me Begajn
Ish-Presidenti Alfred Moisiu

Ish-Presidenti Alfred Moisiu ka komentuar sot figurën e Bajram Begajt, i cili u zgjodh nga Parlamenti si President i ri i Republikës.

Moisiu e cilësoi Begajn si një zgjedhje të mirë, duke vlerësuar figurën e ushtarakëve që qëndrojnë larg lojërave politike dhe kanë një formim patriotik.

“Shefat e shtabit nuk njihen, jo këtu te ne, por kudo, janë figura në hije, vetëm kur ka situata të ndërlikuara të ushtrisë dhe mbrojtjes dalin në pah. Por është nga figurat më të larta të ushtrisë. Ky takimi ynë u bë sepse kemi të njëjtën origjinë, jemi të dy ish-ushtarakë. Në kushtet e krijuara të politikës shqiptare, ku çdo gjë paragjykohet dhe çdo gjë tentohet të gllabërohet politikisht mendoj që ka qenë zgjedhje e mirë.

Ushtarakët janë larg politikës, nuk janë anëtarë partie. Janë larg lojërave politike, për vetë formimin që kanë. Kishim nevojë për një formim të tillë. Ne ushtarakët kemi një formim specifik që rrimë larg politikës, e dyta kemi një formim patriotik më specifik dhe të zhvilluar. Politika jonë vuan nga njerëz që kanë menduar më shumë për vete sesa për Shqipërinë. Nga kjo anë gjykoj si premisë, por duhet parë...”, u shpreh ai në emisionin “Arnautistan”.

Më tej, ish-Presidenti zbardhi detaje nga takimi që bëri me Begajn, duke zbuluar se i ka dhuruar edhe një libër.

“Fola unë më shumë, i tregova historinë si u zgjodha dhe çfarë problemesh kam pasur. I dhurova një libër ‘Midis Nanos dhe Berishës’. Presidenca ime ka pasur problematikat e saj dhe siç thatë ju, është konsideruar nga më të mirat. I tregova disa momente të përvojës sime personale që ai t’i ketë parasysh”, nënvizoi Moisiu./ B.A. – CNA.al

 





Lajmet e fundit nga