web counter
LEXO PA REKLAMA!

SHKARKO APP

App Store
Google Play

E fundit!

x

“Bëhu burrë shteti dhe jepja dorën Putinit”/ Ish-ministri, mesazh të fortë Ramës

9 Qershor 2022, 09:53, Politikë CNA
“Bëhu burrë shteti dhe jepja dorën Putinit”/
Edi Rama, Vladimir Putin

Ish-ministri i Drejtësisë, Ylli Manjani, ndërsa komenton nismën për "Ballkanin e Hapur", i ka drejtuar mesazh të fortë kryeministrit Edi Rama.

Në një postim në rrjetet sociale, Manjani hedh dyshime se pas kësaj nisme qëndron Rusia, ndërsa thekson se kryeministri s’ka pse të fshihet më, por të pranojë rrjeshtimin gjeopolitik ku po fut shqiptarët.

Më tej, ai shkruan se nuk jetohet me iluzione, as më gënjeshtra, ndërsa shton se “Sa më takon do të të përshëndes për burrninë, por kurrë për vendimin që ke marrë për të na larguar nga Europa”.

“Shko e jepi dorën Putinit!

Hiç mos e zgjat!

Jepja atë dorë dhe legalizoje 'Ballkanin e Hapur'!

Jepja dorën, meqë i hamë bukën (grurin), megjithëse po ia blejmë, s’po na e fal.

Bëhu burrë shteti dhe pranoje rrjeshtimin gjeopolitik ku na fute.

S'ke përse fshihesh më as pas lobimeve amerikane e as pas Vuçiçit. Shko direkt tek i zoti i punës, te pronari i 'Ballkanit të Hapur'.

Me atë rast mbledhim mendjen që për ca vite s'kemi më punë me Perëndimin.

Bien edhe këto teatrot idiotë me reforma burokratësh idiotë perëndimorë e me pisllëqe antikushtetutë. Duhet të na bjerë edhe iluzioni që jetojmë në demokraci.

Nuk jetohet me iluzione. As me rrena. Ndaj, bëhu burrë shteti dhe jepja dorën Putinit edhe formalisht!

Sa më takon do të të përshëndes për burrninë, por kurrë për vendimin që ke marrë për të na larguar nga Europa.

Sa të kem frymë do të mbetem shqiptar europian.” -shkruan Ylli Manjani./CNA.al





Lajmet e fundit nga