web counter
LEXO PA REKLAMA!

SHKARKO APP

App Store
Google Play

E fundit!

x

Investimet Strategjike fusin në sherr deputetët/ Bardhi mbetet me “gisht në gojë”

9 Qershor 2022, 10:46, Politikë CNA
Investimet Strategjike fusin në sherr deputetët/ Bardhi mbetet me
Gazment Bardhi në Kuvend

Seanca e sotme në Kuvendin e Shqipërisë ka nisur me debate mes deputetëve, ndërsa “mollë sherri” është bërë kërkesa e Gazment Bardhit për të ngritur një Komision Hetimor Parlamentar për Investimet Strategjike.

Gjatë fjalës së tij sot në Kuvend, Gazment Bardhi, i cili kërkoi ngritjen e Komisionit, tha se kërkesa u rrëzua në shkelje flagrante të ligjit.

“Mjaftojnë pesë firma që kërkesa të diskutohet nga seanca.

Ekzistenca e 35 firmave e bën të detyrueshëm, por nuk nevojiten 35 firma. Zotëria tha se vullneti i një deputeti rrëzon kërkesën e 34 të tjerëve.

Pasi jemi njohur me tërheqjen e Agron Dukës, kemi bërë korrigjimin në pasqyrimin e këtij fakti.

Qytetarët shqiptarë janë dëshmitarë se një javë para depozitimit të kërkesës, kryeministri harroi që do të ngremë komision hetimor për të hetuar procedurat për investimet strategjike. Sepse një ndër deputetët dhe ministrat e Ramës rrezikon jo vetëm mandatin, por edhe të shkojë në burg. Ka përfituar bashkëshorti i saj statutin e investitorit strategjik.

Individë anonimë, të regjistraur në 'of shore' janë shpallur investitorë strategjikë”, -tha Bardhi.

Por, Kuvendi ka lënë me “gisht në gojë” Gazment Bardhin, duke rrëzuar kërkesën për ngritjen e Komisionit Hetimor për Investimet Strategjike./CNA.al

 





Lajmet e fundit nga