E fundit!

21:22 Aktualitet

Tubimi i 45-të/ Protestuesit marshojnë në rrugët e Tiranës me thirrje kundër qeverisë

Protestuesit janë larguar nga Kryeministria pas përfundimi...

Opozita, si përfaqësuese e qytetarëve apo “partnere” e qeverisë?!

9 Qershor 2022, 19:27, Politikë CNA

Opozita, si përfaqësuese e qytetarëve apo “partnere”

Opozita në Kuvend

Vendi ynë prej disa muajsh është duke u përballur çdo ditë me rritjen e çmimeve të karburantit dhe produkteve të shportës.

Qeveria, e cila deri para pak kohësh deklaronte se nuk ndërhynte në çmimet e tregut, u kujtua dhe ngriti një bord transparence. "Show" para gati dy muajsh ishte mjaft i madh. Ministrat, që dilnin në rrugë e në çdo market të mundshëm, tentonin t'u hidhnin hi syve shqiptarëve, se çmimet nuk do të rriteshin më.

Por çmimet, jo vetëm që po rriten, por as nuk po marrin zgjidhje. Protestat e para kombëtare sollën lëvizjen e qeverisë. Por që prej asaj kohe, qytetarët kanë mbetur në hije, dhe “shkelja me këmbë” që po u bëhet është e pandalshme.

Zëri i qytetarëve, në kushte normale duhet të ishte opozita, e cila sot është në ditët e saj më të errëta. Premtimet e opozitës se do të dalin në protesta kundër qeverisë dhe regjimit të Edi Ramës ishin të shumta, por deri tani asnjë gjë konkrete. Kreu i PD-së, Sali Berisha, mjaftohet me disa statuse në rrjetet sociale, ndërsa deputetët e tjerë të opozitës e kanë mendjen për t'u zënë me njëri-tjetrin.

Rasti më i fundit ishte mes Flamur Nokës dhe Gazment Bardhit.

Noka i kujtonte këtij të fundit se është bërë deputet mbi gjakun e një njeriu, duke i kujtuar vrasjen e Pjerin Xhuvanit në Elbasan.

Nga ana tjetër, Bardhi e akuzon sekretarin e PD-së se me urdhër të Berishës, ata kanë bashkëpunuar me PS-në per të rrëzuar kërkesën për ngritjen e një komisioni për Investimet Strategjike.

E në këto kushte, pyetja që të lind natyrshëm është nëse kjo është opozita që përfaqëson qytetarët, apo “partnerja” e qeverisë, për t'i zgjatur akoma më shumë jetën Edi Ramës në pushtet.

Opozitarët, duhet të dinë se qytetarët kanë nevojë për përfaqësim dhe kushte më të mira jetese dhe jo retorika boshe, që nuk u shërbejnë për asnjë gjë në fund të ditës./E.K-CNA.al