web counter
LEXO PA REKLAMA!

SHKARKO APP

App Store
Google Play

Berisha, akuza Ramës/ "Padron i çdo pushteti, Shqipëria ndodhet në monizëm"

9 Qershor 2022, 19:46, Politikë CNA
Berisha, akuza Ramës/ "Padron i çdo pushteti, Shqipëria
Kreu i PD-së, Sali Berisha

Kreu i PD-s Sali Berisha gjatë takimit me intelektualët në Elbasan ka deklaruar se ka ardhur koha që opozita të dalë nga apatia e saj, ndërsa ka paralajmëruar edhe “betejë” kundër qeverisë.

Berisha deklaroi se vendi sot ndodhet në monizëm të plotë dhe se Edi Rama është padron i çdo pushteti.

Kreu i PD-së pranoi se në Kuvend nuk diskutohet asnjëherë për hallet e qytetarëve, por për ndarjen e pasurisë mes tyre.  

“PD mbajti qëndrime vetëvrasjeje, por mos harroni se kemi një gjë…. ne jemi ata që ishim 8 vite dhe çfarë kërkohet nga ne? Të mos jemi ata që ishim 8 vite dhe të dalim nga apatia jonë. PD ka një armik të fortë të vetja e vet, duhet të dalë nga apatia!.

Çdo pushtet i këtij vendi është në duart e një partie. Shqipëria sot është monizëm i plotë. Si ndodhi kjo? Para syve të gjithë botës! Kjo erdhi hap pas hapi, dhe sot Edi Rama është padron i çdo pushteti. Por ky është regjim i kalbur se bazohet në parime të padrejta, në një trekëndësh-politikë, krim, biznes-, bazohet në një proces izolimi nga qytetarët.

Në parlament nuk flasin për qytetarët ndonjëherë, jetojnë në botën e tyre, ndajnë pasuritë njëri me tjetrin. Kaq është e gjithë historia.

Ndaj është jetike për ne hapja ndaj vlerave, njerëzve idealistë dhe që e kuptojnë që vendi ka nevojë jetike për kontributin e tyre. Kemi nevojë për mendjen, intelektin, ekspertizën e tyre”, tha Berisha./E.K-CNA.al





Lajmet e fundit nga