Berisha motivon bazën: Të dalim nga apatia, po përgatitemi për beteja me këtë regjim

9 Qershor 2022, 20:10, Politikë CNA

Berisha motivon bazën: Të dalim nga apatia, po përgatitemi

Kryetari i PD-së, Sali Berisha

Kryetari i PD-së, Berisha, ka bërë thirrje që demokratët duhet të dalin nga apatia ku gjendet sot dhe të nisë betejat politike ndaj qeverisë Rama. “PD mbajti qëndrime vetëvrasjeje, por mos harroni se kemi një gjë, ne jemi ata që ishim 8 vite, dhe çfarë kërkohet nga ne? Të mos jemi ata që ishim 8 vite dhe të dalim nga apatia jonë. PD ka një armik të fortë të vetja e vet, duhet të dalë nga apatia!”, u shpre kryetari i PD-së Berisha.

Berisha tha se çdo pushtet i këtij vendi është në duart e një partie.

“Shqipëria sot është monizëm i plotë. Si ndodhi kjo? Para syve të gjithë botës! Kjo erdhi hap pas hapi, dhe sot Edi Rama është padron i çdo pushteti. Por ky është regjim i kalbur se bazohet në parime të padrejta, në një trekëndësh politikë-krim-biznes, bazohet në një proces izolimi nga qytetarët”, tha Berisha.

Ndaj, tha Berisha, është jetike për ne hapja ndaj vlerave, njerëzve idealistë dhe që e kuptojnë që vendi ka nevojë jetike për kontributin e tyre. Kemi nevojë për mendjen, intelektin, ekspertizën e tyre.

“Në një takim me biznesin e vogël thashë se programin e PD-së për biznesin e vogël do ta shkruani ju, sepse ata dinë ta shkruajnë dhe asgjë s’mund të shkruajnë burokratët më mirë se ata", u shpreh kryetari demokrat.

Më tej ai theksoi se dua t'ju informoj se përgatitemi për betejë me këtë regjim.

“Nëse PD do të kishte qëndruar si forcë beteje, si opozitë në të gjithë detyrimet e saj, të gjitha këto që po flasin nuk do të mund të kishin ndodhur dhe Rama s’do të ishte kurrë në pushtet. PD mbajti qëndrime vetëvrasjeje, por mos harroni se kemi një gjë, ne jemi ata që ishim 8 vite dhe çfarë kërkohet nga ne? Të mos jemi ata që ishim 8 vite dhe të dalim nga apatia jonë. PD ka një armik të fortë të vetja e vet, duhet të dalë nga apatia, u rithemeluam, por vetë demokratët, drejtuesit në radhë të parë, duhet ta dinë që duhet të ngrihen dhe s’mund ta lenë këtë qeveri të sillet në këtë mënyrë. Të caktojë borde për të justifikuar çmime”, tha Berisha./CNA.al