web counter
LEXO PA REKLAMA!

SHKARKO APP

App Store
Google Play

E fundit!

x

Albana Vokshi merr postin e rëndësishëm/ Zgjidhet zv. Presidente e Forumit të Gruas së PPE-së

11 Qershor 2022, 15:36, Politikë CNA

Albana Vokshi merr postin e rëndësishëm/ Zgjidhet zv. Presidente

Kryetarja e Lidhjes Demokratike të Gruas, Albana Vokshi, zgjidhet zëvendëspresidente e Forumit të Gruas së Partisë Popullore Europiane.

Në kongresin zgjedhor të EPP Women, të zhvilluar në Dublin, zonja Vokshi rezultoi një nga 3 gratë më të votuara, duke përfaqësuar denjësisht Lidhjen Demokratike të Gruas dhe Partinë Demokratike.

“Jam shumë mirënjohëse për mbështetjen e familjes sonë të madhe europiane", u shpreh Vokshi pas zgjedhjes si zëvendëspresidente e EPP Women. E gjithë energjia ime do të jetë për të promovuar vlerat e demokracisë europiane, për të fuqizuar gratë në Shqipëri, Ballkanin Perëndimor dhe kudo ku luftojnë për barazi”.

Kjo është hera e parë që një përfaqësuese e Partisë Demokratike zgjidhet në një post kaq të lartë politik në Forumin e Grave të Partisë Popullore Europiane. Në kongresin e Dublinit, EPP Women vendosi për ndryshimin e lidershipit. Znj. Doris Pack, një nga mbështetëset më të forta të Shqipërisë dhe PD u tërhoq pas shumë vitesh të drejtimit të Forumit, duke mbajtur tani vendin e Presidentes së Nderit. Presidente e EPP Women u zgjodh deputetja rumune Rozalia Biro, Kryetare e Komisionit për Punët e Jashtme.

Në 6 vende për zëvendëspresidente u zgjodhën:

1. Agnieszka Pomaska, deputete (Poloni)

2. Mariya Gabriel, zëvendëspresidente e PPE dhe Komisionere Europiane për Inovacionin, Kërkimin, Arsimin, Kulturën dhe Rininë, (Bullgari)

3. Albana Vokshi, deputete PD, Kryetare LDGSH (Shqipëri)

4. Dubravka Suica, zv.Presidente e Komisionit Europian, zv.presidente PPE (Kroaci)

5. Walburga v. Lerchenfeld, këshilltare menaxhim krizash, CSU (Gjermani)

6. Doina Gherman, deputete, (Moldavi)./ CNA.al





Lajmet e fundit nga