E fundit!

16:22 Aktualitet

Vrasja e policit në Maliq/ Hita: Nëse DVP Korçë do kishte kërkuar ndihmë do ishin marrë masa më të forta

Kreu i Policisë së Shtetit Skënder Hita ka zbarkuar në Kor...

Vizita e kancelarit gjerman Sholc/ Tritan Shehu: Mesazhet ishin të qarta

11 Qershor 2022, 19:15, Politikë CNA

Vizita e kancelarit gjerman Sholc/ Tritan Shehu: Mesazhet ishin të qarta

Deputeti i PD-së, Tritan Shehu

Deputeti i Partisë Demokratike, Tritan Shehu, vizitën e kancelarit Gjerman Olaf Sholc në Ballkanin Perëndimor, e ka cilësuar si një goditje të fortë për aventurizmin politik në rajon.

Në një deklaratë në "Facebook", deputeti Shehu zbërthen vizitën e kancelarit duke theksuar se Gjermania po konsolidon rolin e saj thelbesor në rajonin tonë.

Sipas tij, kjo vizitë ishte e qartë dhe e fokusuar në katër pika kryesore, në çështjen e Kosovës dhe Serbisë, konfirmimin e Rajonit në rrugën drejt Europës, kundërshtinë e nismës “Ballkani i Hapur”, dhe mbrojtja e sovranitetit.

“Deklaratat e kancelarit gjerman ishin këtë herë të qarta, në përputhje me realitetet e perspektivat.

1-Kërkesa e tij që marrëveshja Kosovë - Serbi duhet të përfundojë me “njohje reciproke” është e një rëndësie të veçantë e krejt në përputhje me realitetet e nevojat e rajonit e Europës.

Pa një gjë të tillë çdo skemë e plotë e bashkëpunimit rajonal do të ishte e handikapuar.

2-Konfirmimi i tij për rrugën e vetme të rajonit tonë, atë të integrimit europian të tij, merr një rëndësi të veçantë, veçanërisht në këtë periudhë turbulencash, që shpesh nxjerrin në sipërfaqe edhe “Plane B”, krejt në kundërshtim këto me interesat tona jetike.

3-Dhe në këtë kontekst mbështetja e tij vetëm ndaj “Procesit të Berlinit” e “Tregut të Përbashkët Rajonal” të tij, e plotëson dhe konsolidon atë konfirmim, duke kërkuar të na largojë nga çdo nismë tjetër pa Brukselin brenda, siç është “Ballkani i hapur”, të cilën ai as që e mori në konsideratë.

Deklarata prej tij për “rigjallërimin” e procesit të Berlinit është jo vetëm një impenjim konkret, por dhe një “tërheqje vëmendjeje” për ata që duan ta “sfumojnë” nëpërmjet “Ballkani të Hapur” serb.

4- Konfirmimi i tij për mbrojtjen e “sovraniteteve” në kufijtë ekzistues na kujton një tentativë tashmë të dështuar, por akoma të rrezikshme, atë të shkëmbimit të territoreve.

Pa asnjë dyshim që duhet bërë një falënderim i qartë për z.Sholc e pozicionimin e Gjermanisë!" -është shprehur deputeti i PD-së./CNA.al