E fundit!

16:26 Politikë

Protestat dhe investimi në Zvërnec/ Rama për “France 24”: Ndërhyrje nga Irani dhe rajoni

Kryeministri Edi Rama dha një intervistë për median presti...

“Ka fituar 97 tendera”/ Agron Kapllanaj i përgjigjet Berishës

11 Qershor 2022, 17:40, Politikë CNA

“Ka fituar 97 tendera”/ Agron Kapllanaj i përgjigjet

Ish-kryetari i degës së PD-së në Mallakastër, Agron Kapllanaj dhe kryetari i Partisë Demokratike, Sali Berisha

Ish-kryetari i degës së PD-së në Mallakastër, Agron Kapllanaj, ka reaguar pasi ish-kryeministri Sali Berisha e akuzoi si një mbrojtës të bashizmit që ka fituar 97 tendera korruptivë.

Kapllanaj e cilëson Berishën si gaztor, ndërsa deklaron se akuzat e këtij të fundit janë imagjinare.

Me anë të një statusi në rrjetet sociale, ai kërkon që kreu i PD-së të nxjerrë provat, pasi pretendon se Berishës nuk i interesojnë faktet dhe e vërteta.

"Sali Berisha i damkosur me vulën e 'non grata'-s dhe në pazare të dukshme e të padukshme me Edi Ramën, së fundmi ka nisur të bëjë gaztorin për mbështetësit e tij që po i rrallohen përditë.

Këtë ka bërë në Mallakastër, ndërsa ka folur për tendera imagjinarë, ndërkohë që milionerët e kryesisë së foltores nuk kanë guximin as të ngrejnë sytë kur përballen me akuzat për korrupsion dhe bashkëpunim me qeverinë për të ruajtur apo shtuar pasuritë e vëna.

Por Sali Berishës nuk i interesojnë faktet dhe e vërteta, por vetëm shpifjet me të cilat mbrohet në bunkerin e 'non grata'-s. Sigurisht është i lirë të merret dhe me mua dhe me këdo tjetër, si t’ia japë përroi i tij psiqik, por nëse ka ndonjë moment kthjellimi, le të nxjerrë çfarëdo prove a fakti. Jo për gjë, por meqë edhe ai kërkon prova për korrupsionin si non grata nga amerikanët.

E kuptoj që është në hall të madh, dhe është bërë për të ardhur keq, por fakt është se tashmë nuk e ha askush përrallën e tij non grata dhe meqë Ramën nuk e sulmon dot, për faqen e tij të zezë merret me demokratët që kanë sjellë si asnjëherë fitore historike të PD në Mallakastër. Fatkeqësia është se tashmë non-grata nuk sheh dot demokratët e vërtetë. Ai tashmë sheh vetëm armiq dhe ju ka shpallur luftë. Miqtë e tij të vetëm janë Edi Rama me non grata-t e tij", shkruan Kapllanaj./ B.A. - CNA.al