web counter
LEXO PA REKLAMA!

SHKARKO APP

App Store
Google Play

Deklarata e raportuesit të CDU/ Boçi: Berisha ka mbi 600 mijë shqiptarë me vete

11 Qershor 2022, 19:54, Politikë CNA
Deklarata e raportuesit të CDU/ Boçi: Berisha ka mbi 600 mijë
Deputeti i Partisë Demokratike, Luçiano Boçi

Deputeti i Partisë Demokratike, Luçiano Boçi, ka komentuar deklaratat e raportuesit për Shqipërinë në CDU, Peter Beyer, i cili tha se nuk mund të bashkëpunojë me persona “non grata”, duke iu referuar ish-kryeministrit Sali Berisha.

Boçi tha se marrëdhënia është paksa e vështirë me ndërkombëtarët, por theksoi se kryetari i PD-së po përdor të gjitha llojet e diplomacisë për ta zgjidhur.

Ai deklaroi në emisionin “Kjo Javë” se kjo situatë nuk mund të përdoret për të mbajtur qëndrime fraktare ndaj Berishës, për të cilin u shpreh se mbështetet nga mbi 600 mijë shqiptarë.

“Po është në një marrëdhënie të vështirë për shkak të shpalljes non-grata për të cilën Berisha është shterues në qëndrimet e tij dhe e ka thënë se është një çështje personale e tij, të cilën e ndjek në një gjykatë. Dhe shqetësimi i kësaj distance me ndërkombëtarët nuk është se ne e fshehim apo Berisha e fsheh, por përdor të gjitha llojet e diplomacisë për ta zgjidhur. Situata ka vështirësitë e veta dhe jemi të ndërgjegjshëm, por nuk mund të përdoret për të mbajtur qëndrime fraktare ndaj një formacioni politik që mbështetet nga mbi 600 mijë shqiptarë.

Kjo deklaratë as nuk shton dhe as pakëson ndonjë gjë nga shpallja që thamë pak më parë. Është një lloj eko e asaj. Por raportet janë raporte korrekte të partive politike që bëjnë pjesë në një familje. Që ka hezitime ka sepse marrëdhëniet me CDU-në të tilla kanë qenë. Deklarata të tilla CDU-ja nuk i jep sot por edhe në momentin e dorëzimit të mandateve ishte kritikuese për veprimin atashues të PD nën drejtimin e zotit Basha. Ato janë goditëse dhe nxitëse në kuptimin politik. Të presësh një deklaratë të kundërt do ishte një ëndërr në sirtar. Duke i dhënë peshë më të madhe seç ka në të vërtetë krijon insinuata të kota sepse është pjesë e shqetësimit që kemi dhe ne”, nënvizoi Boçi./ B.A. – CNA.al





Lajmet e fundit nga