web counter
LEXO PA REKLAMA!

SHKARKO APP

App Store
Google Play

E fundit!

x

Rama paralajmëron të tijët/ Përgatituni seriozisht, garë e hapur për drejtuesit e rinj

11 Qershor 2022, 19:29, Politikë CNA
Rama paralajmëron të tijët/ Përgatituni seriozisht,
Kryeministri Edi Rama

Kryeministri Edi Rama ka paralajmëruar kandidatët socialistë për drejtuesit e rinj të strukturave vendore të PS-së në 61 bashkitë e vendit.

Gjata fjalës së tij në takimin në Elbasan, Rama kërkoi që kandidatët të përgatiten seriozisht për platformat e tyre, pasi theksoi se kjo është një garë e hapur.

Gjithashtu, kryeministri bëri thirrje që të gjitha bashkësitë socialiste nëpër qarqe të bëjnë sa më shumë propozime, në mënyrë që zgjedhja të jetë shumë e gjerë.

“Kjo është dita e tre kandidatëve këtu për t’u ballafaquar me ju dhe me komisionin e zgjedhjeve. Dua të shfrytëzoj këtë rast që t’u themi të gjithë atyre që presin që të kenë prezantimet dhe ballafaqimet e tyre të përgatiten seriozisht, pasi kjo është një garë e hapur.

Nga ana tjetër, të gjitha bashkësitë socialiste nëpër qarqe të bëjnë sa më shumë propozime që dhe zgjedhja të jetë shumë e gjerë. Jam shumë i inkurajuar nga ajo që kam parë në distancë dhe sot jam këtu së bashku me deputetët e Elbasanit. Na vjen mirë që na jepet mundësia që të marrim pjesë në një proces si ky. Një proces që synon të ripërtërijë me një mekanizëm të ri strukturën e Partisë Socialiste”, u shpreh ai.

Kreu i qeverisë deklaroi se PS-ja ka kandidatë që meritojnë mbështetje për të kontribuuar në parti.

“Kudo ku kemi kandidatë cilësorë, do të kemi një bashkëdrejtim të partisë. Kjo është një garë e hapur, kemi kandidatë që meritojnë mbështetje për të kontribuuar në parti. Mos ta quajmë kryetarin e partisë një figurë babe. U uroj suksese kandidatëve. Më vjen mirë t’ia lë foltoren Blendit, i cili drejton komisionin e posaçëm të përbërë nga sekretarët e partisë”, theksoi Rama./ B.A. – CNA.al





Lajmet e fundit nga