E fundit!

11:46 Aktualitet

Balla, pyetje publike protestuesve

Kreu i grupit parlamentar të PS, Taulant Balla iu është dr...

Arrestohet në Itali Agim Kajmaku/ Kapet me 1 milion euro kokainë, ja ku e kishte fshehur

12 Qershor 2022, 00:23, Politikë CNA

Arrestohet në Itali Agim Kajmaku/ Kapet me 1 milion euro kokainë, ja

Ish-kryebashkiaku i Vorës, Agim Kajmaku

Policia italiane ka arrestuar ish-kryebashkiakun e Vorës, Agim Kajmaku.

Ish-kryebashkiaku socialist është vënë në pranga në zonën e San Benedetto del Tronto për akuzën e trafikut të drogës, pasi është kapur me 20 kg kokainë.

Kajmaku është arrestuar më datë 27 maj të këtij viti. Në momentin e vënies në pranga, ai u është prezantuar autoriteteve italiane me identitetin Agim Kajmaku i datëlindjes 6 korrik 1971, identitet që përputhet me atë të ish-kryebashkiakut të Vorës.

Policia ia gjeti drogën të fshehur në vazo me lule. Nëse kokaina e sekuestruar do të hidhej në treg të zi, do të kapte vlerën e 1 milion eurove.

Ndërkohë, autoritetet e shtetit fqinj kanë nisur hetimet dhe kanë kërkuar ndërhyrjen e policisë shqiptare.

Kujtojmë se Kajmaku u zgjodh kryetar i Bashkisë së Vorës në zgjedhjet e 30 qershorit të 2019-ës, por u shkarkua me vendim të KQZ-së në formë unanime.

Organi i akuzës konkludoi se shenjat e gishtërinjve të Kajmakut përputheshin me të “Jorgo Totos”, emër i përdorur prej tij gjatë qëndrimit në Greqi. Kajmaku akuzohej për falsifikim të Formularit të Dekriminalizimit, duke fshehur arrestimin dhe hetimin në Greqi për veprën penale të përdorimit të parave false. Pas konfirmimit të Prokurorisë, ai publikoi vendimin e Gjykatës së Janinës, që e shpallte atë të pafajshëm, duke thënë se nuk e ka ditur për dënimin në vendin fqinj.

Më 7 korrik 2020 Policia e Tiranës njoftoi arrestimin e Agim Kajmakut në një spital privat në Tiranë, pasi ishte shpallur në kërkim prej nëntorit 2019, pas akuzave të ngritura për falsifikimin e formularit të dekriminalizimit si dhe kryerjen e funksionit edhe pas shkarkimit.

Sipas policisë, Kajmaku po trajtohej në një spital privat në Tiranë për problemet shëndetësore, në momentin e ekzekutimit të masës së “arrestit me burg”, të dhënë nga gjykata.

Më 16 janar, Prokuroria e Tiranës njoftoi se kishte marrë të pandehur ish-kryebashkiakun e Bashkisë së Vorës, i shkarkuar për shkak të ligjit të dekriminalizimit, për dy akuza falsifikimi si dhe një akuzë të tretë për “kryerje të funksionit pas dhënies fund të tij”.

Ndaj Kajmakut ishte në fuqi një masë sigurie “arrest me burg” prej Gjykatës së Rrethit Gjyqësor Tiranë./ B.A. - CNA.al