web counter
LEXO PA REKLAMA!

SHKARKO APP

App Store
Google Play

Kryetarët e degëve të PS-së/ Rama, batuta me Gjiknurin: “Baba i partisë” nuk qëndron, ka në garë edhe gra

11 Qershor 2022, 20:37, Politikë CNA
Kryetarët e degëve të PS-së/ Rama, batuta me Gjiknurin:
Kryetari i PS-së, Edi Rama

Partia Socialiste ka hyrë në fazën e përzgjedhjes së drejtuesve të rinj vendor në 61 bashkitë e vendit. Në takimin e Elbasanit ka marrë pjesë edhe kryetari i PS-së Rama, i cili nuk ka ngurruar të bëjë batuta me Sekretarin e Përgjithshëm të PS-së Damian Gjiknuri, i cili tha se kryetari i Partisë duhet të jetë babai i asaj shtëpie.

Kryetari i PS-së Rama i ka kujtuar Gjiknurit se për Elbasani, “baba”, nuk qëndron sepse ka në garë edhe gra. “Dua të bëj vetëm një plotësim pas asaj që tha Sekretari i Përgjithshëm, i cili foli për kryetarin e partisë si një baba. Kur ai foli për një baba, unë po shikoja Ermirën që është aty kandidate dhe mendoj që ka nevojë të sqarohet kjo sepse ne kemi në këtë proces vajza dhe djem, gra dhe burra dhe jo vetëm kaq, por kemi rënë dakord në kryesinë e PS që kudo ku ne kemi kandidatë cilësorë dhe që meritojnë mbështetje për të kontribuuar në drejtim të partisë që janë dhe burrë dhe grua, dhe vajzë dhe djalë, atëherë në do kemi bashkëdrejtim të partisë siç kemi bërë në nivelin e organizatave dhe mua më vjen keq që bashkëdrejtimi i partisë në nivelin e organizatave ende është i paplotësuar në një pjesë jo të vogël të organizatave si një bashkëdrejtim në barazi gjinore. Aty ku kjo ka ndodhur, ne kemi parë që rezultatet kanë qenë domethënëse”, tha Rama.

“Pra,- shtoi Rama, - Ermira nuk bëhet dot baba i partisë Damian, por patjetër që në rast se paraqitja e saj do të jetë e duhura për anëtarët e partisë dhe për komisionin, ajo do të jetë kryetare e parties”.  Me tej Kryetari I PS, u shpreh se, “ne promovojmë në të gjitha nivelet barazi gjinore. Ia kemi parë hajrin sepse sa më shumë gra dhe vajza janë përfshirë aq më mirë kanë shkuar punët e partisë. Për këtë arsye është e rëndësishme që të mos e harrojmë asnjëherë dhe mos ta quajmë kryetarin e partisë gjithmonë një figurë detyrimisht figurë babe”./CNA.al





Lajmet e fundit nga