web counter
LEXO PA REKLAMA!

SHKARKO APP

App Store
Google Play

“E ç’e zuri Kajmakun e shkretë”/ Artan Hoxha zbulon ‘prapaskenat’, si e përdori Rama

12 Qershor 2022, 18:18, Politikë CNA
“E ç’e zuri Kajmakun e shkretë”/ Artan Hoxha
Kryeministri Edi Rama dhe ish-kryebashkiaku socialist, Agim Kajmaku

Gazetari Artan Hoxha ka reaguar lidhur me arrestimin në Itali të ish-kryebashkiakut të Vorës, Agim Kajmaku, pasi u kap me 20 kg drogë.

Me anë të një statusi në rrjetet sociale, Hoxha ironizon Kryeministrin Edi Rama dhe e akuzon këtë të fundit se ka përdorur paratë e pista të Kajmakut për të paguar fushatën elektorale.

Ai ka publikuar disa foto nga fushata elektorale e 2019-ës dhe deklaron se Rama e ka ditur për aktivitetin e paligjshëm të ish-kryebashkiakut socialist.

“E hall i madh ç’e zuri Kajmakun e shkretë…

Po ecte mirë trafiku, e morën vesh që kishte bërë pare.

I ke të pista, i thanë. Nëse do t’i pastrosh, duhet të paguash fushatën elektorale dhe pastaj bëhesh biznesmen me letra…

Mira tha mavriu, pagoi fushatën, bleu mandatin e kryetarit.

Sapo nisi të pastronte paratë dhe të bëhej biznesmen me letra, e thirrën prapë dhe i kujtuan problemin e vjetër.

Po mirë tha Kajmaku, ju e dinit 'xanxen' e vjetër edhe kur më thirrët për kryetar, pse nuk ma thatë që në atë kohë?!

Kur e panë se Kajmaku nisi ta besojë vërtetë që e kishte votuar populli, i thanë, Kajmak do ikësh me të mirë apo të fusim në burg?!

Pa ç’pa Kajmak mavriu, i pagoi ca para edhe për avokatët, ca të tjera për prokurorët dhe gjyqtarët, e la biznesllëkun me letra dhe ju kthye zanatit të vjetër, punën që di të bëj më mirë, narkotrafikun.

Tani që e kapën me 20 kg kokainë, në zanatin e vet, i kujtojnë se: 'ja u kap ky narkotrafikanti që donte të bëhej biznesmen me letra'…

Prandaj mesazhi për gjithë 'Kajmakët' e tjerë që merren me 'tregëti fidanesh' në Bashkimin Europian është:

Qëndrojini larg politikës, sepse kjo rracë politikanësh që kemi ne, po e mori vesh se keni bërë pasuri, u merr jo vetëm paratë, fidanet dhe vazot e luleve, por u merr edhe bajgat e bagëtive që kanë brenda vazot e luleve….

Në foto: Kajmaku me 'kryekajmakun' e qeverisë në zgjedhjet lokale 2019, kur Kajmaku ishte 'burrë i ndershëm' dhe paratë e 'tregëtisë së fidaneve' nuk ishin aq shumë të pista për të paguar fushatën elektorale…”, shkruan gazetari./ B.A. – CNA.al

“E ç’e zuri Kajmakun e shkretë”/ Artan Hoxha





Lajmet e fundit nga