web counter
LEXO PA REKLAMA!

SHKARKO APP

App Store
Google Play

E fundit!

x

Festa e çlirimit/ Meta: Kosova të bëhet sa më parë anëtare e NATO-s, t’i liberalizohen vizat

12 Qershor 2022, 16:32, Politikë CNA
Festa e çlirimit/ Meta: Kosova të bëhet sa më parë
Presidenti Ilir Meta

Në përkujtim të festës së çlirimit të Kosovës 23 vjet më parë, Presidenti Ilir Meta ka dhënë një mesazh urimi.

Me anë të një statusi në rrjetet sociale, Meta deklaron se çdo shqiptar u gëzohet arritjeve të Kosovës, që i cilëson një faktor kyç për paqen, stabilitetin dhe sigurinë në rajon.

Kreu i shtetit shqiptar deklaron se Kosova është një shembull frymëzues i ndërtimit të demokracisë dhe shtetit ligjor, që meriton sa më parë të jetë anëtare e NATO-s, përfituese e liberalizimit të vizave, anëtare e Këshillit të Europës, si dhe çdo organizate ndërkombëtare.

“Sot në Ditën e Çlirimit, çdo shqiptar i gëzohet arritjeve të Republikës së Kosovës, faktor kyç për paqen, stabilitetin dhe sigurinë në rajon, shembull frymëzues i ndërtimit të demokracisë dhe shtetit ligjor, që meriton sa më parë të jetë anëtare e NATO-s, përfituese e liberalizimit të vizave, anëtare e Këshillit të Europës, si dhe çdo organizate ndërkombëtare.

Në këtë ditë historike nderojmë vizionin strategjik të Presidentit Ibrahim Rugova, rezistencën e lavdishme të UÇK, heroizmin legjendar të Komandantit Adem Jashari dhe sakrificat e çdo shqiptari që kontribuoi për lirinë dhe pavarësinë.

Mirënjohje dhe thellësisht falenderues për Aleancën e Atlantikut të Veriut, SHBA-ve dhe vendeve demokratike mike, që i dhanë fund genocidit, kurorëzuan aspiratën shekullore për liri dhe vazhdojnë t'i qëndrojnë afër Kosovës për të ndihmuar në zhvillimin e pandalshëm të demokracisë, avancimit të proceseve integruese europiane dhe euro-atlantike”, shkruan Presidenti./ B.A. - CNA.al





Lajmet e fundit nga