web counter
LEXO PA REKLAMA!

SHKARKO APP

App Store
Google Play

E fundit!

x

Video-“Ish-narko-bashkiaku i Edvinit përfundon në burg”/ Berisha: Miqtë e Ramës njëri pas tjetrit, në qeli

12 Qershor 2022, 12:18, Politikë CNA
Video-“Ish-narko-bashkiaku i Edvinit përfundon në burg”/
Kreu i PD-së, Sali Berisha

Kreu i Partisë Demokratike, Sali Berisha, ka reaguar pas arrestimit të ish-kryebashkiakut të Vorës, Agim Kajmaku, i cili u kap me 20 kg kokainë në Itali.

Berisha shkruan se “Agim Kajmaku trafikonte kokainë me padronët e tij në qeveri”.

Sipas tij, kryenarkomani Edi Rama ka shpërblyer me poste dhe para, trafikantë droge, vrasës e hajdutë, të cilët kanë ushtruar detyrat e caktuara nga ai.

Deklarata e plotë e Berishës

Ish Narko-Bashkiaku i Edvinit përfundon në burg!

Agim Kajmaku trafikonte kokaine me padronet e tij ne qeveri!

Miq, është arrestuar në Itali, ish-kryebashkiaku i Vorës, Agim Kajmaku. Narko-Bashkiaku është kapur me 20 kg kokainë në Itali, duke pasqyruar qartë dhe pastër fytyrën e kësaj qeverie.

Kryenarkomani Edi Rama ka shpërblyer me poste dhe para, trafikantë droge, vrasës e hajdutë të cilët kanë ushtruar detyrat e caktuara nga ai.

Është e turpshme sesi kjo qeveri drejtohet nga këta kriminelë dhe njerëzit e tyre, që në shumicën e rasteve kanë më shumë se dy emra dhe një të kaluar të errët. Kriteret e Edi Ramës për krijimin e qeverisë së tij nuk kanë qënë as arritjet profesionale e akademike, por rekordet kriminale.

Personat me vrasje, aktive në boten e krimit, krerë organizatash kriminale, kanë predispozitën për të qënë drejtues nën petkun e Edi Edi Ramës.

Njëri pas tjetrit, miqtë e tij po përfundojnë në qeli, ndërkohë që me papërgjegjshmërinë më të madhe ky njeri nuk ka marrë kurrë përgjegjësitë që i takojnë në menyrë të drejtpërdrejtë. Këtu nuk bëhet fjalë për veprime individuale, por për inkriminim kokë e këmbë të Edi Ramës dhe qeverisë së tij./CNA.al





Lajmet e fundit nga