web counter
LEXO PA REKLAMA!

SHKARKO APP

App Store
Google Play

E fundit!

x

LRE zhvillon Kuvendimin e Hapur/ Galdini, mesazhe të forta për situatën politike

12 Qershor 2022, 16:42, Politikë CNA
LRE zhvillon Kuvendimin e Hapur/ Galdini, mesazhe të forta për
Kryetari i LRE, Arian Galdini

Partia Lëvizja e Re organizoi Kuvendimin e Hapur ku morën pjesë mbi 750 delegatë, gjatë të cilit paraqiti shtyllën kryesore prej 4 pikash për konsolidimin e kuadrit ideologjik dhe elektoral të saj. 

Kryetari i LRE-së, Arian Galdini, në fjalën e tij paraqiti boshtin ideologjik dhe parimet mbi të cilat është ngritur dhe do të vijojë betejën e saj politike, por edhe sakrificat që Lëvizja e Re si parti e qendrës së djathtë humane ka kaluar, si një parti opozitare.

Sipas Galdinit, qytetarët janë të zhgënjyer nga të gjitha forcat politike në Shqipëri, dike nënvizuar faktin ka ardhur koha që LRE të jetë shpresa e vërtetë, për një të ardhme më të mirë.  

Me tej, Galdini deklaroi së në programin e LRE-së, prioritet i prioriteteve do të jetë investimi te burimet njerëzore, si aseti më madh që kanë kombet dhe kjo është e vlefshme edhe në rastin e Shqipërisë.

“Një nga pikat thelbësorë të programit janë edhe të rinjtë, synimi për rritjen e tyre profesionalisht, po ashtu ndalimin e largimit masiv të tyre nga vendi”, u shpreh ai.

Galdini deklaroi para qindra mbështetësve të tij se baza e programit është pikërisht edhe biznesi i vogël, i cili duhet  çliruar nga kthetrat e oligarkëve, që ata të prodhojnë të ardhura dhe të mira materiale për vetën dhe gjithë shoqërinë dhe jo të jenë me frikën e falimentit çdo ditë.  

Lëvizja e "Ballkani i Hapur" u kundërshtua hapur nga LRE, jo si koncept, por nisur nga realizmi konkret, duke e cilësuar një lojë eksperimentale të kryeministrit Rama dhe presidentit Vuciç. Kjo lëvizje, sipas Galdinit, dëmton çështjen kombëtare, e kryesisht njohjen dhe konsolidimin e Republikës së Kosovës.

Sipas kryetarit të LRE-së, e ardhmja e sigurtë dhe më e mirë për Shqipërinë dhe Kosovën është anëtarësimi i plotë në BE.

“Ndërtimi i një politike në shërbim të Fëmijëve të së Ardhmes, si në koncept filozofik, por edhe atë jetësor, është një shtyllë e panengociueshme në programin e LRE-së”, theksoi ai.

Sipas Galdinit, kjo është  e vetmja rrugë për t’u dhënë shansin e mohuar deri më sot shqiptarëve, sepse detyra e politikës është të mendojë për brezat që vijnë dhe jo për zgjedhjet apo votimin e radhës.

Të pranishëm në këtë takim ishin gjithashtu drejtues dhe përfaqësues të forcave politike opozitare shqiptare si Eno Bozdo i Partisë Demokratike, Agron Duka Kryetar i Partisë Agrare Ambientaliste, Dashamir Shehi i LZHK-së, Artur Roshi i Ballit Kombëtar Demokrat, Eduart Abazi i Aleancës Demokratike.

Gjithashtu pati përshëndetje e prani edhe të subjekteve politike nga Kosova ku Lutfi Haziri përshëndeti në emër të LDK-së, Zijadin Sela përshëndeti në emër të Aleancës për Shqiptarët në Maqedoninë e Veriut. Kuvendimin e LRE-së e përshëndeti edhe deputetja e parlamentit kroat me origjinë shqiptare, Ermina Lekaj, si edhe shqiptari i parë i zgjedhur si Këshilltar Bashkiak në Londër, Kastriot Berberi./ B.A. – CNA.al





Lajmet e fundit nga