web counter
LEXO PA REKLAMA!

SHKARKO APP

App Store
Google Play

E fundit!

x

Ndryshimet në hartën e re gjyqësore/ Berisha: Ishte urdhër i Ramës

13 Qershor 2022, 12:46, Politikë CNA
Ndryshimet në hartën e re gjyqësore/ Berisha: Ishte urdhër i
Kreu i PD-së, Sali Berisha

Kreu i PD-së, Sali Berisha, ka komentuar ndryshimet në hartën e re gjyqësore.

Në një deklaratë për mediat, Berisha është shprehur se Kryeministri Edi Rama ka urdhëruar me një akt të papërgjegjshëm mbylljen e gjykatave.

“Është një ndëshkim i ri për qytetarët, një rrënim i së drejtës së qytetarëve shqiptarë për një proces të rregullt gjyqësor.

Pas përgjysmimit të gjykatësve dhe prokurorëve me pseudoreformën e drejtësisë dhe vetingun si gjah shtrigash, vendosjen e saj në kontroll të plotë të ekzekutivit, krijimin e një stoku prej 110 mijë dosjesh gjyqësore dhe mohimi i së drejtës për një proces gjyqësor, Edi Rama urdhëroi me një akt të papërgjegjshëm, KLGJ-në e partisë që të mbyllë 18 gjykata në shkallë vendi.

Kështu, me hartën e re gjyqësore të Edi Ramës mbyllen 9 gjykata të shkallës së parë dhe mohohet aksesi në sistemin e drejtësisë në 9 qytete.

Mbyllen katër gjykata administrative dhe mbetet vetëm një gjykatë në Tiranë dhe një në Lushnje.

Mbyllen 5 gjykata të Apelit dhe mbetet vetëm Apeli i Tiranës, praktikë kjo 100 për qind e dështuar pasi u eksperimentua në vitin 1999 nga qeverisja e PS-së.

Me këtë vendim, gjobiten dhe ndëshkohen banorët e 10 qyteteve të vendit, që duhet të udhëtojnë edhe qindra kilometra për të shkuar në gjykatën e rrethit tjetër.

Duke rritur kështu shumë shpenzimet e udhëtimit, hoteleve për këta qytetarë si dhe shpenzuar kohën e tyre, por deri diku duke u mohuar edhe aksesin në sistemin e drejtësisë.

Miratimi i hartës së re gjyqësore është një shkelje e rëndë e të drejtave të njeriut dhe lirive themelore, që mbrohen me Kushtetutë. Mbyllja e shumë gjykatave cenon dhe kufizon rëndë aksesin në drejtësi të individit. Bën që gjykatat në numër të konsiderueshëm të mbeten të pabesueshme për qytetarët.

Vendimi i KLGJ-së dhunon edhe të drejtat e grupeve të interesit. Avokatët, ekspertët kontabël, ekspertët psikologë, ekspertët vlerësues, noterët, ndërmjetësit, etj.

Harta e re e gjyqësorit vjen në kundërshtim flagrant të rezolutës së Parlamentit Europian për Shqipërinë, që kërkon shprehimisht që harta e gjyqësorit të marrë në konsideratë mendimet e grupit të interesit dhe të përmirësojë cilësinë në gjykata për procesin e duhur gjyqësor.

Në të vërtetë, harta e re e hedh poshtë këtë kërkesë të rezolutës së Parlamentit Europian,” -tha Berisha./ CNA.al





Lajmet e fundit nga