web counter
LEXO PA REKLAMA!

SHKARKO APP

App Store
Google Play

Foto-lajm/ Erla Mëhilli në festën e PS-së, pozon e buzëqeshur krah Ramës

12 Qershor 2022, 22:39, Politikë CNA
Foto-lajm/ Erla Mëhilli në festën e PS-së, pozon e
Erla Mëhilli dhe Edi Rama

Mbrëmjen e sotme është mbajtur në oborrin e selisë rozë festa e 31-vjetorit të Partisë Socialiste, ku kanë marrë pjesë figura të njohura të politikës shqiptare, edhe nga partitë kundërshtare të qeverisë.

Një nga të pranishmet ka qenë edhe ekspertja e komunikimit dhe ish-zëdhënësja e kryetarit të Partisë Demokratike Sali Berisha, Erla Mëhilli.

Mëhilli është parë në praninë e kryeministrit Edi Rama, teksa shfaqet krejt elegante e veshur me një fustan të kuq dhe me një gotë verë të bardhë në dorë.

Pavarësisht qëndrimeve kritike dhe bindjeve të kundërta politike, Erla Mëhilli dhe Edi Rama janë parë të buzëqeshur pranë njëri-tjetrit, teksa kanë pozuar edhe para kamerave.

Ndërkohë, kujtojmë se më parë ekspertja e komunikimit ka treguar se kreun e qeverisë e ka kushëri, ndonëse ka qenë rreshtuar në krah të kundërshtarit të tij politik.

Gjatë një interviste në emisionin “E Diell” në janar të vitit 2020, Mëhilli ka deklaruar se nuk ka shumë njohje personale me Edi Ramën.

“Të kesh kushëri Ramën është rastësi, të punosh me Berishën është meritë. Nuk është se kam ndonjë kënaqësi të veçantë që jam kushërira e tij sepse nuk e kam njohur personalisht. Nëse do ta kisha njohur ndoshta mund të kishte qenë pak e sikletshme. Duke qenë se ai në një pasazh të librit Kurbani e ka përmendur këtë fakt, kam përshtypjen se më shumë e ka ndjerë ai, sesa unë”, është shprehur Erla./ B.A. – CNA.al





Lajmet e fundit nga