web counter
LEXO PA REKLAMA!

SHKARKO APP

App Store
Google Play

E fundit!

x

“Do të nisë çlirimi i administratës nga tenderat”/ Rama: Problemi më i madh është paaftësia

13 Qershor 2022, 18:17, Politikë CNA
“Do të nisë çlirimi i administratës nga
Kryeministri Edi Rama

Kryeministri Edi Rama, është ndalur te tenderat që jepen nga administrata, gjatë fjalës së tij në Konferencën e Parë Kombëtare të Antikorrupsionit.

Kreu i qeverisë deklaroi se për tenderat do të krijohet një strukturë, ku do të përfshihen ekspertëve të jashtëm dhe kompanitë ndërkombëtare.

Rama tha se qeveria do të nisë punën për të çliruar administratën nga procesi i kontraktimit, në mënyrë që procesin e tenderimit ta bëjnë struktura që kanë profesionalizëm më të lartë.

Më tej, ai shigjetoi punonjësit e administratës që merren me tenderat, teksa u shpreh se problemi nuk është korrupsioni apo përzierja me qëllimin e devijimit të ligjit për përfitim, por edhe paaftësia për të ndërtuar procese transparente, të drejta e profesionale.

“Nuk është e rastit, që në raportet e ndërkombëtarëve Shqipëria hyn në grupin e vendeve më të zhvilluara nga ana dixhitale. Aty ku hyn në grupin e vendeve të prapambetura, është sektori privat. Duhet të bëjmë përpjekje që privati të kthehet në nivelin e shtetit të sektorit publik.

Dua të theksoj pjesën që ka të bëjë me tenderat. Është një transformim nëse nisemi nga ku ka filluar kjo punë. Në raportin që kemi përgatitur, që nuk ka interpretim por vetëm fakte, flitet qartë si kemi lëvizur në rrugën e duhur, por edhe këtu ka probleme. Nëse do të thoshim që tenderat kanë arritur në nivelin që meritojnë operatorët në transparencë, duhet të ishim në këmbë të gjithë, jo për të çelur negociatat por për të qenë pjesë e BE.

Po nisim hapat për të çliruar administratën nga procesi i kontraktimit, për të përfshirë ekspertizën e jashtme dhe kompani ndërkombëtare që ministritë të bëjnë ministritë, administrata të bëjë administratën dhe procesin e tenderimit të bëjnë struktura që kanë profesionalizëm më të lartë.

Një nga problemet tona më të mëdha nuk është korrupsioni apo përzierja me qëllimin e devijimit të ligjit për përfitim, por edhe paaftësia për të ndërtuar procese transparente, të drejta e profesionale”, theksoi Rama./ B.A. – CNA.al





Lajmet e fundit nga