web counter
LEXO PA REKLAMA!

SHKARKO APP

App Store
Google Play

Korrupsioni/ 'Justifikohet' Rama: S’është zgjidhur përfundimisht në asnjë shtet të botës

13 Qershor 2022, 18:05, Politikë CNA
Korrupsioni/ 'Justifikohet' Rama: S’është zgjidhur
Kryeministri Edi Rama

Kryeministri Edi Rama ka folur për luftën ndaj korrupsionit në vendin tonë gjatë fjalimit në konferencën kombëtare Anti-Korrupsion.

Kreu i qeverisë deklaroi se në asnjë shtet të botës nuk është zgjidhur përfundimisht çështja e korrupsionit.

Rama pretendoi se Shqipëria ka bërë përparësi me korrupsionin, teksa u shpreh se sot kemi veprimtarinë e pavarur të organeve të drejtësisë në raport me pushtetin ekzekutiv apo legjislativ.

“Besoj se është e rëndësishme të ndajmë me publikun vështirësitë dhe këtë sfidë të vazhdueshme e cila asnjëherë nuk mbaron sepse në asnjë shtet të botës nuk është zgjidhur përfundimisht çështja e korrupsionit. Por ndërkohë për të kuptuar se Shqipëria ka provuar të ndahet shumë qartë nga një fazë kur korrupsioni ishte sistem i marrëdhënieve të qytetarëve me shtetin. Nuk ka qenë përpara 30 vitesh por deri pak vitesh kjo situatë.

Sot kemi veprimtarinë e pavarur të organeve të drejtësisë në raport me pushtetin ekzekutiv apo legjislativ. Shqipëria nuk ka pasur drejtësi të pavarur nga politika në asnjë moment qeverisje si në mbretëri si në komunizëm. As në periudhën përpara Reformës në Drejtësi dhe ky është një fakt i rëndësishëm pavarësisht se ky është një proces që ka rëniet dhe zhgënjimet e veta por sidoqoftë është në drejtimin e duhur”, theksoi kryeministri./ B.A. – CNA.al





Lajmet e fundit nga