web counter
LEXO PA REKLAMA!

SHKARKO APP

App Store
Google Play

E fundit!

x

Meta mesazh nga New York/ Roli i “Vatrës” në ruajtjen e integritetit të Shqipërisë

13 Qershor 2022, 17:43, Politikë CNA
Meta mesazh nga New York/ Roli i “Vatrës” në ruajtjen e
Presidenti Ilir Meta

Presidenti Ilir Meta ka dhënë një tjetër mesazh nga New York për 110-vjetorin e themelimit të Federatës Pan-Shqiptare “Vatra”.

Me anë të një statusi në rrjette sociale, Meta deklaron se është i lumtur që ndodhet për të festuar mes qindra bashkëkombasve nga të gjitha trevat shqiptare.

Kreu i Shtetit thotë se përmes veprimtarisë patriotike, kombëtare dhe diplomatike, “Vatra” u bë promotore e lëvizjeve kombëtare dhe e shpalljes së pavarësisë, për të patur më pas ndikim të jashtëzakonshëm në ruajtjen e integritetit dhe sovranitetit të Shqipërisë.

Sipas tij, gjatë diktaturës komuniste “Vatra” ishte shtëpia e shqiptarëve ku diskutohej për fatet e kombit, për lirimin dhe demokratizimin e Shqipërisë.

“Shumë i lumtur të ndodhem në New York, mes qindra bashkëkombasve nga të gjitha trevat shqiptare, për të festuar me madhështinë që meriton, 110-vjetorin e themelimit të Federatës Pan-Shqiptare “Vatra”, historinë më të suksesshme të organizimit të shqiptarëve jashtë vendit.

Përmes veprimtarisë patriotike, kombëtare dhe diplomatike, “Vatra”, që ditën e parë u bë promotore e lëvizjeve kombëtare dhe e shpalljes së pavarësisë, për të patur më pas ndikim të jashtëzakonshëm në ruajtjen e integritetit dhe sovranitetit të Shqipërisë.

Gjatë diktaturës komuniste “Vatra” ishte shtëpia e shqiptarëve ku diskutohej për fatet e kombit, për lirimin dhe demokratizimin e Shqipërisë, por edhe për lirinë e shqiptarëve në ish-Jugosllavi e sidomos për Kosovën.

Sot, 110 vite nga themelimi i saj, pozita e kombit tonë është më e mirë se ndonjëherë më parë dhe për këtë ka meritat dhe kontributet e patjetërsueshme edhe “Vatra”.

Secili ‘vatran’ dhe shqiptar i SHBA meriton mirënjohje të veçantë për kontributin e dhënë për çështjen shqiptare.

Gëzuar 110-vjetorin e krijimit të “Vatrës!

Zoti e bekoftë Kombin tonë dhe miqësinë shqiptaro-amerikane!”, shkruan presidenti./ B.A. – CNA.al





Lajmet e fundit nga