web counter
LEXO PA REKLAMA!

SHKARKO APP

App Store
Google Play

Konferenca anti-korrupsion/ Ironizon Kryemadhi: Nëse Kajmaku s’do ishte arrestuar, do drejtonte panelin

13 Qershor 2022, 20:04, Politikë CNA
Konferenca anti-korrupsion/ Ironizon Kryemadhi: Nëse Kajmaku s’do
Monika Kryemadhi

Kryetarja e LSI Monika Kryemadhi ka reaguar në lidhje me Konferencën Kombëtare Antikorrupsion që u mbajt ditën e sotme në Pallatin e Kongreseve.

Në një postim në rrjetin social Facebook, Kryemadhi shkruan se nëse ish kryebashkiaku i Vorës Agim Kajmaku nuk do të arrestohej në Itali, do të ishte pjesë e panelit.

Sipas Kryemadhit, reforma në drejtësi është votuar për një gjyqësor të pavarur, teksa shton se vetë qeveria është më e korruptuara.

Kryetarja e LSI mes ironisë shkruan se korrupsion qeveritar ka, por duhen profesionistë të pavarur në drejtësi ta luftojnë atë!

“Edhe Kajmaku i Vorës do drejtonte një panel te kjo konferenca e qeverisë për korrupsionin, nëse nuk do e kishin arrestuar italianët. Patjetër, sepse të gjithë çfarë janë në burg sot nga Rilindja, më parë kanë qenë "kampionët" e kryeministrit.

Reformën në drejtësi e miratuam bashkarisht si klasë politike në vitin 2016, që lufta ndaj korrupsionit të ishte përherë ekskluzivisht fusha e veprimit, e një sistemi të pavarur nga politika, të pa ndikuar nga pushteti legjislativ dhe ai ekzekutiv. Ky i fundit, dmth qeveria, është edhe më i korruptuari!

Ndërkohë që punojësit civil të çuar me detyrim në takim dëgjuan fjalimin  propagandistik të kryeministrit, i gjithë vendi pret me padurim forcën e veprimit të drejtësisë ndaj zyrtarëve të inceneratorëve: një skemë korrupsioni në bashkëpunim, e faktuar në letra dhe firma, që ka përfshirë kryeministrin, zyrën e tij, ministra, kryetar bashkie, biznese të vërtetë dhe fiktivë.

Korrupsion qeveritar ka, por duhen profesionistë të pavarur në drejtësi ta luftojnë atë!”, shkruan Kryemadhi./E.K-CNA.al





Lajmet e fundit nga