web counter
LEXO PA REKLAMA!

SHKARKO APP

App Store
Google Play

E fundit!

x

Udhëtimi në SHBA/ Këlliçi zbulon arsyen e vizitës

13 Qershor 2022, 22:37, Politikë CNA
Udhëtimi në SHBA/ Këlliçi zbulon arsyen e vizitës
Deputeti i Partisë Demokratike, Belind Këlliçi

Deputeti i Partisë Demokratike, Belind Këlliçi, ka rrëzuar aludimet e ngritura për vizitën e tij në Shtetet e Bashkuara të Amerikës dhe ka treguar arsyen e udhëtimit.

I pyetur në emisionin “Çim Peka Live” për vizitën e tij në SHBA, Këlliçi tregoi se ishte me ftesë të “Vatrës”, e cila festoi 110-vjetorin.

Ai deklaroi se gjithashtu mori pjesë në paradën e shqiptarëve në Manhatan, ndërsa tha se nesër në mëngjes mund të kthehet në Shqipëri për të vijuar betejën opozitare.

“Unë kam ardhur me ftesë të Vatrës. Ditën e djeshme ne kemi kremtuar 110-vjetorin e themelimit zyrtarisht të organizatës sonë kombëtare, Vatrës në Amerikë. Sigurisht ka një simbolikë shumë të frotë. Ka dhënë një kontribut shumë të fortë në të gjithë kauzën kombëtare.

Mos harroni, ditën e djeshme ka përkuar data me çlirimin e Kosovës. Sigurisht, Vatra dhe gjithë shqiptarët, kudo që janë në diasporë kanë dhënë një kontribut mjaft të çmuar.

Kam patur fatin që të jem edhe në paradën e shqiptarëve, që ta them jo me pak krenari, të bëhej zemra mal kur shihje gjithë rrugët e Manhatanit të mbushur me flamuj kuq e zi dhe shqiptarë, që sot nuk janë si brezat e parë të atyre shqiptarëve që kanë ardhur në Amerikë fillimisht, por janë të arrirë në jetë. Kanë krijuar bizneset e tyre, karrierën e tyre dhe sigurisht janë integruar plotësisht në jetën dhe kulturën Amerikane. Dhe Çim, maksimumi mbaroj sonte dhe nesër vij që në mëngjes në Tiranë dhe sigurisht që opozita bëhet në Tiranë, për këtë të jeni të sigurt”, theksoi Këlliçi./ B.A. – CNA.al





Lajmet e fundit nga