web counter
LEXO PA REKLAMA!

SHKARKO APP

App Store
Google Play

Zgjedhjet për kryebashkiak/ Këlliçi: Me PD-në në garë, Veliaj s’ka shans të marrë mandat të tretë

13 Qershor 2022, 22:06, Politikë CNA
Zgjedhjet për kryebashkiak/ Këlliçi: Me PD-në në
Deputeti demokrat Belind Këlliçi

Deputeti demokrat, Belind Këlliçi, tha se Erion Veliaj me një fushatë normale dhe me angazhimin e plotë të PD-së, nuk ka asnjë shans që të marrë një mandat të tretë, sepse e ka shkatërruar kryeqytetin.

"Me një fushatë normale të PD-së, me një bashkim të të gjitha energjive opozitare në Tiranë, Veliaj nuk ka shans të marrë një mandat të tretë, sepse atë që i ka bërë Tiranës ai nuk ia kanë bërë as pushtuesit. Tirana është e mbytur nga betoni, smogu, pastrim parash, dhe sigurisht habitem dhe më bën përshtypje se ku e gjen kurajën një njeri që të flasë me siguri për një mandat tjetër.” -tha Këlliçi.

Sipas Këlliçit, Erion Veliaj, po përpiqet të përcjellë siguri te njerëzit e tij për të marrë një mandat të tretë, por kujtoi në mandatin e dytë ai është zgjedhur me 8 për qind të votave të qytetarëve të Tiranës, në vitin 2019 kur nuk kishte kandidat përballë.

“Erion Veliaj nuk e ka të sigurt kandidimin e radhës për kryetar bashkie pasi së pari duhet të zgjidhë problemet me shefin e tij, Ramën”, tha Këlliçi./CNA.al





Lajmet e fundit nga