web counter
LEXO PA REKLAMA!

SHKARKO APP

App Store
Google Play

E fundit!

x

Saimir Korreshi tregon “qëllimin”/ Pse u ngrit Komisioni për Reformën Territoriale

14 Qershor 2022, 20:10, Politikë CNA
Saimir Korreshi tregon “qëllimin”/ Pse u ngrit Komisioni
Deputeti i Partisë Demokratike, Saimir Korreshi

Deputeti i Partisë Demokratike, Saimir Korreshi, e ka cilësuar si dështim Reformën Territoriale, teksa ka komentuar deklaratat e bëra nga kreu i grupit Parlamentar të PS-së, Taulant Balla.

Në një prononcim për CNA.al, Korreshi tha se Komisioni i Posaçëm për Reformën Administrativo-Territoriale, ka si qëllimin të mbulojë dështimin e reformës.

“Komisioni në vetvete ka për qëllim që dështimin e Reformës Territoriale, sepse ka dështuar Reforma Territoriale nga çfarë u llogjikua dhe u dha si ide që do të kishte më shumë autonomi vendore, ndërkohë që me ligjin dhe bashkëqeverisjen ata po e marrin autonominë vendore që kishte kryetari i bashkisë. I bie që me ligj ata kanë të kontrollueshme nga agjensia e bashkëqeverisjes. Po i heqin avash avash edhe autonominë. Përshembull, në vend që t’i shtojnë, po i heqin ujësjellësat, e gjithë ana financiare në këto bashkitë e vogla ujësjellësat janë. Duhet të ketë më shumë pushtete vendore dhe duhet të ketë më shumë vendimmarrje ”, u shpreh ai.

Më tej, deputeti demokrat theksoi se vëmendja duhet përqendruar më tepër te arsyet e dështimit të Reformës Territoriale.

“Unë do ta nisja nga dështimi, çfarë dështoi tek kjo reformë, të gjitha problematikat që ka pasur kjo reformë, pastaj të kalojmë te pjesa tjetër. Edhe pse bashkuan bashkitë dhe komunat, nga 75 u bënë 61 të gjitha, numri është rritur i punonjësve, kjo është e rëndësishme dhe shërbimet janë ulur. Ky është komplet dështim”, nënvizoi Korreshi./ B.A. – CNA.al





Lajmet e fundit nga