web counter
LEXO PA REKLAMA!

SHKARKO APP

App Store
Google Play

E fundit!

x

Harta e re gjyqësore/ Zhupa ‘ngre tonet’: Nuk duhet të miratohet

14 Qershor 2022, 16:17, Politikë CNA
Harta e re gjyqësore/ Zhupa ‘ngre tonet’: Nuk duhet të
Deputetja e Partisë Demokratike, Ina Zhupa

Deputetja e Partisë Demokratike, Ina Zhupa, ka reaguar ashpër lidhur hartën e re gjyqësore, për të cilën kërkon të mos miratohet.

Me anë të një statusi në rrjetet sociale, Zhupa thotë se harta gjyqësore mbyll 18 gjykata pa asnjë studim, dëmton aksesin në drejtësi, dhënien e drejtësisë dhe rrit kostot e qytetarëve.

Ajo përmend bojkotin dhe deklaratat e avokatëve dhe shprehet se harta e re e çon sistemin e drejtësisë drejt kolapsit.

“Harta gjyqësore që mbyll 18 gjykata, pa asnjë studim, duke dëmtuar aksesin në drejtësi, dhënien e drejtësisë, rritur kostot e qytetarëve, nuk duhet të miratohet.

Avokatët e Vlorës i janë bashkuar bojkotit, duke theksuar se harta e re e çon sistemin e drejtësisë drejt kolapsit. Vetëm sot në Vlorë janë pezulluar 60 seanca në Gjykatën e Shkallës së Parë, 40 në Gjykatën e Apelit dhe 24 në atë Administrative.

Avokatët e Sarandës kundërshtojnë shkrirjen e Gjykatës së Apelit dhe Gjykatës Administrative në Gjirokastër. Shkrirja e këtyre gjykatave dhe zhvendosja drejt Tiranës dhe Lushnjës do të sjellë edhe rritjen e kostove për qytetarët

Avokatët shprehen se gjyqësori do kalojë në kolaps. Do duhen vite për një seancë. Sa kohë e lekë i duhen një qytetari nga Saranda të shkoj në Tiranë për cdo seancë?

5 gjykata Apeli do të mbyllen, dhe si rrjedhim aksesi/koha/shpenzimet e qytetarëve nga e gjithë Shqipëria do të rëndojë në xhepat e qytetarëve.

4 gjykata administrative do të mbyllen, dhe si rrjedhim aksesi/koha/shpenzimet do të rriten për qytetarët.

9 gjykata të shkallës së parë, të Pogradecit, Lushnjës, Përmetit, Kavajës, Krujës, Kurbinit, Matit, Pukës dhe Tropojës do të mbyllen.

Qytetarëve dhe avokatëve të qyteteve që preken do iu rriten shpenzimet/kostot e shërbimeve për të marrë drejtësi”, shkruan Zhupa./ B.A. – CNA.al





Lajmet e fundit nga