web counter
LEXO PA REKLAMA!

SHKARKO APP

App Store
Google Play

E fundit!

x

Harta e re gjyqësore/ Berisha në krah të avokatëve, tregon qëllimin e Ramës

14 Qershor 2022, 11:38, Politikë CNA
Harta e re gjyqësore/ Berisha në krah të avokatëve, tregon
Kryetari i Partisë Demokratike, Sali Berisha

Kryetari i Partisë Demokratike, Sali Berisha, ka reaguar në lidhje me grevën e avokatëve, të cilët kërkojnë anulimin e hartës së re gjyqësore.

Në një postim në rrjetet sociale, Berisha shkruan se harta e re gjyqësore, në mënyrë arbitrare, mbyll 9 gjykata fakti, 4 gjykata apeli administrative dhe 5 gjykata apeli.

Sipas tij, Rama ka dy qëllime kryesore, të vendosë nën kontroll të plotë vendimet e gjykatave dhe të maskojë falimentimin e sistemit gjyqësor nga pseudoreforma e këtij sistemi.

“Sot greva 4-ditore e avokatëve të vendit kundër Hartës së Gjykatave.

Të dashur miq, sot të gjithë avokatët e vendit nisën grevën katërditore kundër hartës së re antikushtetuese, antiligjore, të sistemit të gjykatave që dhunon rëndë parimet e procesit të rregullt gjyqësor për qytetarët shqiptarë.

Kjo hartë në mënyrë arbitrare mbyll 9 gjykata fakti, 4 gjykata apeli administrative dhe 5 gjykata apeli. Ajo, me shpenzimet shtesë që u krijon qytetarëve, udhëtime, hotele etj, e bën të papërballueshëm procesin gjyqësor për shtresat në nevojë. 

Me hartën antikushtetuese, Rama ka dy qëllime kryesore:

• Të vendosë nën kontroll të plotë vendimet e gjykatave dhe të maskojë falimentimin e sistemit gjyqësor nga pseudoreforma e këtij sistemi.

• Duke i dhënë mbështetje të plotë grevës të avokatëve të vendit në mbrojtje të të drejtave themelore të qytetarëve shqiptarë, u bëj thirrje të gjithë profesioneve të tjera të lidhura me proceset gjyqësore, të hidhen në grevë dhe të kërkojnë anulimin e menjëhershëm të saj.”-shkruan Berisha./CNA.al





Lajmet e fundit nga