“Shkrirja e qarqeve sjell kaos”/ Korreshi kundër Ballës: Po na kthen në kohën e Ali Pashë Tepelenës

14 Qershor 2022, 19:08, Politikë CNA

“Shkrirja e qarqeve sjell kaos”/ Korreshi kundër Ballës:

Deputeti i Partisë Demokratike, Saimir Korreshi

Kryetari i Grupit Parlamentar të PS-së, Taulant Balla, propozoi sot shkrirjen e qarqeve dhe krijimin e katër rajoneve, por kjo gjë është kundërshtuar nga deputeti dhe anëtari i komisionit të Reformës Territoriale, Saimir Korreshi.

Në një prononcim për CNA.al, Korreshi tha se është kundër këtij propozimi që sjell centralizim të pushtetit vendor, ndërsa kërkoi që t’i jepet më shumë autonomi atij.

Deputeti deklaroi se çdo institucion që është centralizuar ka qenë një dështim.

“Këta flasin për decentralizim dhe kur vjen puna e centralizojnë sa më shumë situatën. Unë jam për shtimin e bashkive dhe dhënien e sa më shumë aksesi për qytetarët, se sot realisht qytetarët nuk marrin atë aksesin që duhet. Reforma Territoriale është dështim, totalisht dështim. Unë jam për t’i dhënë më shumë kompetenca pushtetit vendor.

Duke qenë se ka qarqe më të vegjël dhe shumë më të mëdhenj, mendoj se do një balacim kjo pjesë dhe do ndonjë gjë tjetër, por mund të kemi krijimin e qarqeve të tjera, përshembull të krijohej një qark më vete me Divjakën e Rrogozhinën. Tani Rrogozhina është në qarkun e Tiranës, ndërkohë që me 70 kilometra distancë, është absurde. Me Lushnjen mund të ishte afër dhe i bie që kap kushtet që përcakton ligji me numër popullsie.

Ne duhet të japim më shumë kompetenca, sa vijmë ne i ngushtojë dhe i japim 4 personave të drejtën e vendimmarrjes, po e centralizojnë gjënë. Çdo institucion që është centralizuar ka qenë dështim, çfarëdolloj pushteti, siç bëri PD-ja me centralizimin e pronave dhe kur erdhi puna dështoi se nuk u kthyen pronat. Kjo është idea”, u shpreh ai.

Korreshi tha për CNA.al se me shkrirjen e qarqeve dhe krijimin e 4 rajoneve, qeveria po kthehet pas në kohën e Ali Pashë Tepelenës me 4 vilajetet.

“Do shkrihet nocioni qark dhe do krijohen vetëm 4 rajone, siç ishte në kohën e Ali Pashë Tepelenës me vilajete. Pra, qaqet do shkrihen dhe të gjitha tjerat mund të quhen komuna.

Ne akoma nuk jemi vënë në punë si komision dhe besoj se nuk është hedhur në tavolinë propozimi. Ai e ka bërë publike sot, duhet diskutuar në grupet parlamentare sot. Ne jemi më tepër për të vënë në pah dështimet e kësaj reforme dhe pastaj për të folur për zgjerimin apo ngushtimin. Idea është për t’i dhënë gjithmonë sa më shumë akses qytetarit”, deklaroi demokrati.

Krijimi i 4 rajoneve, theksoi deputeti, i shkurton aksesin qytetarëve dhe sjell kaos e problematika ekonomike.

“Ky ndryshim ia shkurton aksesin qytetarit. Ajo me 4 rajone ia ngushton aksesin. Ngushtimi do të sjellë kaos patjetër, sepse ti do duhet të vish për të marrë një certifikatë te Erion Veliaj në Tiranë nga Kamza, Babrruja, Paskuqani apo nga ana e anës, ndërkohë që duhet të hapesh, pra sa më shumë ka, aq më shumë janë të njohur me terrenin njësia administrative. Se me katër rajone, si mund ta di unë se çfarë bëhet në Gjirokastër, si është problematika e gardhit, e ujit, e kanaleve vaditëse-kulluese.

Pra, një njeri nuk mundet të vijë në një hapësirë të madhe dhe të ketë dijeni për të gjitha problematikat. Nuk mund të kesh mundësi akesi të vazhdueshëm me qytetarët, duke folur dhe për anën ekonomike pastaj”, nënvizoi Korreshi./ B.A. – CNA.al