E fundit!

15:42 Aktualitet

Protestuesit para selive/ Balla: Kush qëndron pas tyre e ka gabim, mund të çojnë në vëlla-përplasje

Kreu i grupit të Partisë Socialiste Taulant Balla ka kriti...

Berisha i nxjerr sekretin e Ramës/ Pse u përjashtuan nga udhëtimi në Kiev, Peleshi dhe Xhaçka

15 Qershor 2022, 12:32, Politikë CNA

Berisha i nxjerr sekretin e Ramës/ Pse u përjashtuan nga udhëtimi

Kreu i PD-së, Sali Berisha

Kreu i Partisë Demokratike, Sali Berisha, ka reaguar sërish për udhëtimin e kryeministrit Edi Rama në Ukrainë.

Rama është shoqëruar në Ukrainë nga Elisa Spiropali, Ministrja e Shtetit për Marrëdhëniet me Parlamentin, Endri Fuga, Drejtor i Agjencisë për Media dhe Informim, Volodymyr Shkurov, Ambasador i Republikës së Ukrainës në Shqipëri, Dorjan Duçka, Këshilltar i jashtëm.

Sipas Berishës nga udhëtimi u përjashtuan Ministri i Mbrojtjes Niko Peleshi dhe Ministrja e Jashtme Olta Xhaçka dhe jo pa arsye.

Me anë të një postimi në rrjete sociale, Berisha shkon edhe më tej, duke shkruar se Rama, në shkelje të sanksioneve, ka lejuar ankorime misterioze të anijeve ruse ne portet tona.

Reagimi i plotë

“Rama shkoi ne Ukraine i shoqeruar vetem nga Baton Stanishiq, Arben Malavita dhe Elisa e Skederbuçit.

Nga udhetimi u perjashtuan ministri i mbrojtjes Peleshi dhe e jashtmia Xhaçka. Udhetimi i ketyre te fundit u refuzua nga vete Rama. Kjo, sepse ai e dinte se ne bisedime Presidenti Zelenski do ti ngrinte Rames çeshtjen e qendrimit te tij te dyfishte ndaj agresionit rus kunder Ukraines.

Dihet se Shqiperia nga njera ane ka denoncuar agresionin rus ndaj Ukraines dhe zbatuar sanksionet ndaj Rusise, por nga ana tjeter, Edi Rama pranon turistet rus vrases, perdhunues dhe pengmarres ne luften ne Ukraine, te cilet vijne nga Beogradi ne Shqiperi per pushime dhe energji te reja per tu kthyer me pas ne front dhe vazhduar genocidin e krimet kunder njerezimit, kunder qytetareve te Ukraines.

Perveç kesaj, Rama, ne shkelje te sanksioneve, ka lejuar ankorime misterioze te anijeve ruse ne portet tona.

Keto bisedime nuk mund ti degjonin Peleshi dhe Xhaçka, sepse pa u kthyer ne Shqiperi, gojet e tyre qe nuk mbyllen kurre, do te zbardhnin çdo gje.

Duke perfunduar, denoj me ashpersine me te madhe politiken dy-fytyreshe te Edi Rames ndaj Ukraines dhe kerkoj qe kjo politike te marre fund menjehere.”/CNA.al