web counter
LEXO PA REKLAMA!

SHKARKO APP

App Store
Google Play

E fundit!

x

Thirrja për protesta/ Zheji: Zgjedhja e Berishës ka krijuar çarje në PD, s'ka energji për të mbledhur njerëzit

15 Qershor 2022, 16:15, Politikë CNA
Thirrja për protesta/ Zheji: Zgjedhja e Berishës ka krijuar
Analisti Artur Zheji

Analisti Artur Zheji e ka cilësuar si një çarje zgjedhjen e ish-kryeministrit Sali Berisha në krye të Partisë Demokratike.

Zheji tha në emisionin “Pikat mbi I” se PD nuk po gjen forcën e duhur për tu ringritur.

“Na u tha që kjo opozita do gjente një zë përbashkues. Ky është problem këtu, se edhe unë jam kundër ‘Balkan Open’. Unë nuk mërzitem fare me atë që i tha Scholz, Vuçiçit. Shih sa gjë e zgjuar që vizitën e parë e bëri në Prishtinë dhe pastaj në Beograd ku tha se pa njohur njëri-tjetrin s’keni vend në BE se të njohësh fqinjin është dialogu. Nuk po e gjen forcën, se duhej patjetër që doktori të bëhej kryetari i PD dhe kjo krijoi çarjen. Mund të bëhej një hap prapa për bashkimin”, u shpreh ai.

Teksa komentoi thirrjet e Berishës për protesta, analisti deklaroi se ato nuk kanë krijuar energjinë e nevojshme për të mbeldhur njerëzit.

“Për protesta nuk shoh energji unë, mungon një energji dhe ndonjëherë janë më opozitarë ca analistë sesa energjia që çliron opozita për t’ia bërë jetën më të vështirë kësaj mazhorance”, tha ai.

Sipas tij, Berisha po kërkon të hapë kanale komunikimi dhe të thithë energji, pasi e kupton se opozitarizmi që po drejton nuk ka një raport të ri në fushën e betejës politike.

“Ai po kërkon të hapë kanale komunikimi dhe të thithë energji, pasi e kupton se opozitarizmi që po drejton nuk ka një raport të ri në fushën e betejës politike. Por a është përbashkues doktori? Njerëzit duket se janë të ndarë… Pra kjo kërkesë e doktorit është për kthim energjie, por a do të arrihet kjo gjë”, theksoi Zheji./ B.A. – CNA.al





Lajmet e fundit nga