web counter
LEXO PA REKLAMA!

SHKARKO APP

App Store
Google Play

E fundit!

x

“Alo doktor”/ Ish-kryebashkiaku me drogë, nxjerr Ramën nga kontrolli

16 Qershor 2022, 11:42, Politikë CNA
“Alo doktor”/ Ish-kryebashkiaku me drogë, nxjerr Ramën
Kryeministri Edi Rama në Kuvend

Kryeministri Edi Rama, ka dalë jashtë kontrollit, kur në Kuvend është përmendur emri i ish kryebashkiakut të kapur me drogë, Agim Kajmaku.

Ai ka reaguar duke u hedhur në sulm ndaj kreut të PD-së, Sali Berisha, dhe duke u mburrur me reformën në drejtësi.

Në replika me deputeten e PD-së, Jorida Tabaku, Rama ka thënë se nëse sot ka ish-ministra, deputetë, apo kryetar bashkie të lidhur me partinë në pushtet që janë në duart e drejtësisë kjo nuk është një diçka që ka ardhur nga qielli, por kjo është një zhvillim që ka ardhur nga reforma në drejtësi.

Nga ana tjetër Tabaku e ka zgjatur fjalimin e saj duke u justifikuar se Rama sillet në këtë mënyrë pasi opozita është e dobët.

Replikat Tabaku-Rama

Tabaku: Kisha Kajmakun, kundërshtar, ai që nuk verifikohet për asnjë gjobë, ai simbol i punës së kësaj, ai kajmakët e tjerë, gjalpat, gjizat si i quani, kjo është fara e kësaj qeverie, që mendon se sa më të varfër të tjerë, aq më lehtë do të blihen, se janë të sigurt se do gjejnë kajmak të tjerë, opozita sot nuk është e fortë, po të kisha qenë në vendin tënd, s'do e përdorja kurrë, për ta përdorur dobësinë e tjetrit për të bërë politikën e ditës, bëje me vendimet e tyre, me mënyrën se si ke fituar pushtetin, e me kajmakët, gjizën e gjalpët me radhë.

Rama: Kaloi nga domatet te dekriminalizimi, ishte një kapërcim shumë i madh nga tema. Dy fjalë kisha për këtë, fole për një linjë telefoni anti korrupsion, ajo ka qenë "alo doktor", jo linjë e qeverisë sonë, dhe dilte doktori dhe i thyente brinjët korrupsionit. Ndërkohë që, përkundrazi mua më vjen mirë që ju i përmendi ato që në fakt janë provat e një ndryshimi rrënjësor të cilin po e sjellim ne, jo ju. Nëse sot ka ish-ministra apo deputet, apo kryetar Bashkia të lidhur me partinë në pushtet që janë duart e drejtësisë kjo nuk është një diçka që ka ardhur nga qielli, por kjo është një zhvillim që ka ardhur nga reforma në drejtësi, rezultat i kërkuar me këmbëngulje nga ne, jo prej jush, kjo është një arsye më shumë pse shqiptarët na besojnë ne jo ju./CNA.al





Lajmet e fundit nga