web counter
LEXO PA REKLAMA!

SHKARKO APP

App Store
Google Play

Rama i përgjigjet Tabakut/ Do propozojmë taksim zero për pagat deri në 500 mijë lekë  

16 Qershor 2022, 13:01, Politikë CNA
Rama i përgjigjet Tabakut/ Do propozojmë taksim zero për pagat
Kryeministri Edi Rama

Deputetja Jorida Tabaku gjatë fjalës së saj sot në Kuvend e akuzoi Qeverinë se nuk ka menaxhuar krizën si duhet, dhe sipas saj, ka zhytur vendin në borxhe e duke rritur çmimet për qytetarët.

“E diskutuam bashkë në komision, që nuk i kishit marrë masa, që po merrni borxh për borxhin, ky është shqetësimi. Nuk investohet në ekonomi. Vetëm këtu presioni i çmimeve ka hasur në paaftësinë e qeverisë. Kur shteti dështon që të sigurojë balancën në treg, atëherë ngrihet bordi. Ato kompanitë që vendosin sot për çmimin i keni mbi kokë, ato vendosin për ju.”-tha Tabaku.

Por, pas Tabakut ka reaguar kryeministri Edi Rama, i cili tha se Qeveria do të propozojë së shpejti që për ata persona që marrin deri në 500 mijë lekë të vjetra pagë, taksimi të jetë zero.

“Zero, asnjë qindarkë nuk i është paguar as Bechetit dhe askujt tjetër tani që flasim. Ballafaqimi vazhdon…Keqardhje për këtë zonja Tabaku se ju lexoni dhe mbani shumë shënime siç thoni edhe vetë, dhe të flasësh për 385 milionë euro që nuk ekzistojnë është pak si e sikletshme. E kam dëgjuar që ju thonë që ne taksojmë punën më shumë se kapitali. Nuk ka në rajon taksë zero për pagat deri në 400 mijë lekë të vjetra dhe së shpejti, pas pak ditësh do të sjellim propozimin për të zeruar deri në 500 mijë lekë…”-tha Rama./CNA.al





Lajmet e fundit nga