web counter
LEXO PA REKLAMA!

SHKARKO APP

App Store
Google Play

E fundit!

x

“Po na mban me bukë Serbia”/ Shehi “i kërkon llogari” qeverisë për problemet në bujqësi

16 Qershor 2022, 16:30, Politikë CNA
“Po na mban me bukë Serbia”/ Shehi “i kërkon
Kreu i LZHK-së, Dashamir Shehi

Kreu i LZHK-së, Dashamir Shehi, ka sulmuar qeverinë lidhur me problematikat që po hasin bujqërit dita ditës në Shqipëri.

Shehi tha nga foltorja e Kuvendit se vendi po mbahet me bukë nga Serbia, ndërkohë që thekson se bujqësia shqiptare ka kapacitet të prodhojë 70-80% të drithërave, që të mos varemi nga importet e huaja.

“Ai zotëria i PS na deklaroi se ne nuk kemi prodhuar as 50% të nevojave tona. Unë gjykoj se brenda kapaciteteve që ka bujqësia shqiptare ne mund të shkojmë 70-80% për drithërat që mos varemi nga importet e huaja. Ne si Shqipëri dalim sikur na mban me bukë Serbia të cilat i paguajmë paret. Paratë në Shqipëri po përqendrohen në duart e pak njerëzve dhe nuk ka interes që të ketë prodhim bujqësor. Këta thonë që do të ketë zhvillim urban në zonat rurale. Nuk dëgjojmë që të diskutohet për bujqësinë e cila është çështja e gjithë qeverisë, bujqësia jep 20% të buxhetit të shtetit dhe përsëri ka ngelur në harresë. Unë gjykoj që strategjia reale, bujku shqiptar nuk ka akses te financat, bujku duhet të bëhet pjesëtar i biznesit por në fushën e prodhimit bujqësor, kjo është një revolucion i bujqësisë që të kthehet në biznes”, u shpreh deputeti.

Kreu i LZHK-së u ndal edhe te sektori i vaditjes, ku i kërkoi llogari qeverisë për paratë që ka hedhur për investim Banka Botërore.

“U fol për çështjen e ujit këtu. Vetëm Banka Botërore ka hedhur 200 milionë për sektorët e vaditjes. Ku kanë shkuar këto miliona? Unë gjykoj që është bërë pak. A duhet të bëhet e detyrueshme vaditja me spërkatje apo pika, këto janë gjykime strategjike. Kemi bërë një ligj për pyjet, nuk duhet të degradohen pyjet. Bujqësia këto përfshin pyje dhe kullota, shteti nuk pyet fare për ekonominë e gjelbërt. Kjo duhet të ishte si strategji për të ardhmen. Të rinjtë e fshatit po braktisin dy herë më shumë Shqipërinë, dhe një nga detyrat që kemi të paktën një pjesë e rinisë që janë në fshatra duhet t'i mbajmë sepse është e pamundur të vazhdohet kështu. Duhet t'i kthehemi punës së bujqësisë”, theksoi Shehi./ B.A. – CNA.al





Lajmet e fundit nga