web counter
LEXO PA REKLAMA!

SHKARKO APP

App Store
Google Play

E fundit!

x

Rritje apo indeksim pagash?

6 Korrik 2022, 13:55, Editorial CNA
Rritje apo indeksim pagash?
Foto ilustruese

Sot, pas mbledhjes së radhës të Qeverisë, dy ministret e kabinetit “Rama” dolën në media dhe trumbetuan me të madhe se do të ketë rritje page për punonjësit e shërbimit shëndetësor dhe për punonjësit e sistemit arsimor parauniversitar.

Deri këtu shumë mirë, është për t’u vlerësuar rritja e pagave.

Por, sa është kjo rritje?

Si për punonjësit e shërbimit shëndetësor ashtu edhe ata të sistemit parauniversitar do të marrin një rritje page prej 6%.

Por, duket se dardha e ka bishtin prapa.

Sipas shifrave zyrtare, inflacioni në Shqipëri varion nga 5.5 deri në 6%. Mund të jetë edhe deri në 8%, por kjo nuk ka shumë rëndësi.

Fakti është se rritja e pagave është bërë, aq sa është rritur inflacioni.

Që do të thotë se nuk ka rritje të pagave, por ka indeksim.

Pra, ka rritje pagash 6% apo thjesht indeksim pasi rritja është e njëjtë me inflacionin? 

Rritja e çmimeve në treg është e barabartë me rritjen që do të kenë pagat, që u trumbetuan me të madhe sot pas mbledhjes së Qeverisë.

Pra, kemi të bëjmë thjeshtë me një skemë politike qeveritare.

Nga njëra anë bëhet thjeshtë një indeksim i pagave, në varësi të rritjes së inflacionit, e nga ana tjetër dalin e shesin në media si “rritje page”. Plot 6%./CNA.al

 





Lajmet e fundit nga