LEXO PA REKLAMA!

SHKARKO APP

E fundit!

x

Çfarë i duhen Berishës lolot e Lulit?

14 Korrik 2022, 10:05, Editorial CNA

Çfarë i duhen Berishës lolot e Lulit?

Në shtator të vitit 2021, ish-kreu i Partisë Demokratike, Lulzim Basha, me një vendim personal dhe të pa konsultuar me strukturat e partisë, përjashtoi ish-kryeministrin Sali Berisha nga grupi parlamentar i PD-së.

Basha tentoi të justifikohet, duke u “fshehur” pas SHBA-së, pasi këta të fundit kishin shpallur "non-grata", Sali Berishën.

Por, ajo që ndodhi më pas duket se ndryshoi rrjedhën në PD, dhe filloi të ndizej një shpresë për demokratët, për rikthimin e Opozitës.

Sali Berisha nisi lëvizjen e tij, “Foltoren” me demokratët në çdo degë, në çdo qytet.

Çfarë i duhen Berishës lolot e Lulit?

Bashkë me një grup deputetësh që e mbështetën që në fillim të nisjes së kësaj lëvizjeje, Berisha ndezi shpresat te demokratët, të cilët për gati nëntë vite të drejtimit të PD-së nga Lulzim Basha ishin gënjyer, ishin tërhequr zvarrë e më pas ishte tradhtuar çdo kauzë.

Berisha premtoi rikthimin e demokracisë së brendshme në PD, rikthimin e Opozitës së vërtetë përballë kryeministrit Edi Rama, e të tjera si këto.

Ajo që ndodhi më pas, u pa nga gjithë shqiptarët. Lulzim Basha tentoi mbajtjen e selisë me dhunë, duke blinduar dyert.

Më pas vijmë në protestën e 8 janarit, ku demokratët u dhunuan dhe u sulmuan me gaz lotsjellës.

Por, çfarë ndodh?

Berisha gjatë fjalimeve të tij ka mbajtur qëndrime mjaft të forta kundër Lulzim Bashës, duke thënë se ka shitur Opozitën, duke e quajtur aleat të Ramës, duke e cilësuar si “Lulzim Brava”, etj.

Por, në fakt në gati nëntë vite që Lulzim Basha drejtoi Partinë Demokratike, nuk ishte vetëm ky problemi.

Problemi ishin edhe një tufë palaço dhe servilë që i vinin nga pas, duke mbështetur çdo çmenduri politike të Lulzim Bashës, që çoi PD-në në këtë situatë, duke shkaktuar humbje pas humbjeje, dështim pas dështimi.

Çfarë i duhen Berishës lolot e Lulit?

Janë të gjithë “kurtizanët” e Lulzim Bashës, po aq përgjegjës sa ky i fundit për shkatërrimin e Partisë Demokratike dhe lënien e saj për të tretin mandat radhazi në Opozitë, duke i siguruar Edi Ramës për herë të parë në historinë e demokracisë në Shqipëri, tri mandate qeverisëse.

Që nga ish-drejtori i kabinetit të Lulzim Bashës, Dorian Teliti, ish-nënkryetarja e PD-së, Grida Duma, që bërtiste “na priiii Lulzim”, apo Ervin Salianji që sulmonte demokratët në 8 janar me shkop në dorë, etj, janë “servilët” e Bashës, që sot po rreshtohen në krah të Berishës.

Çfarë i duhen Berishës lolot e Lulit?

Për të mos folur më tej për “Babalen” e Berishës, që ishte një ndër mbështetësit e Lulzim Bashës, por që tashmë është bërë edhe Sekretar i Përgjithshëm i Partisë Demokratike. Apo dhe Albana Vokshi, që ka një jetë që drejton Lidhjen Demokratike të Gruas.

Por, tashmë duket se të njëjtët “palaço” që rrethonin Lulin, që ishin brenda selisë së PD-së në 8 janar kur u dhunuan demokratët, sot po mblidhen rreth doktorit.

Pra, Sali Berisha, sot kryetar i PD-së, i cili premtoi rikthimin e Opozitës së vërtetë përballë Ramës, në fakt po mbledh rreth vetes “palaçot” apo “kurtizanët” e Lulzim Bashës, të cilit janë po aq fajtorë dhe përgjegjës për shkatërrimin e Partisë Demokratike.

Dje ishte Luli dhe "palaçot" e tij, tani po bëhet doktori, demokratët dhe "palaçot" e Lulit./CNA.al

 

Lajmet e fundit nga