E fundit!

09:23 Aktualitet

Zbatimi i Aministisë Penale/ Dhjetëra të dënuar lënë burgjet në Korçë

Ka nisur zbatimi i Amnistisë Penale në institucionet e vua...

Zhvillimet në PD/ Kur merr fund konflikti Basha-Berisha

2 Janar 2022, 13:30, Politikë CNA

Ky vit që po lëmë pas ka shënuar zhvillime të shumta sa i takon arenës politike. Zgjedhjet e përgjithshme të 25 prillit, që i dhanë mandatin e tretë qeverisës Edi Ramës, vendimi i DASH për shpalljen e ish kryeministrit Sali Berisha non grata në SHBA, përjashtimi i këtij të fundit nga grupi parlamentar dhe nisja e aksionit të Foltores kanë qenë disa nga çështjet më pikante.

Zhvillimet brenda kampit të PD kulmuan me mbajtjen e Kuvendit në datën 11 dhjetor, ku mbi 4 mijë demokratë shkarkuar Lulzim Bashën, katër nënkryetarët dhe sekretarin e PD.

Por për ish deputetin Andi Përmeti, nga konflikti i brendshëm në PD, qeveria është në pozicionin më komod, duke shtuar se edhe në vitin e ardhshëm do jetë një spektatore komode e tollovisë opozitare.

Në një intervistë për CNA.al, Përmeti deklaroi më tej se beteja Basha-Berisha do vijojë të mbetet edhe për disa kohë në fokus të diskutimeve, ndërsa ndarjen në dy parti e sheh si mundësinë e vetme të shuarjes së konfliktit.

?Ky ishte një vit i mbushur me zhvillime të forta dhe të papritura politike të cilat do vazhdojnë me jehonë edhe vitin tjetër. Fokusi për fat të keq do ngelet edhe për disa kohë beteja Berisha-Basha sepse opozita përcakton mënyrën se si qeveris qeveria sot dhe është praktikisht qeverisja e të ardhmes. Kjo betejë do përfundojë vetëm kur palet të qartësohen se nuk janë më një palë por qartazi dy palë dhe rrjedhimisht dy parti. Derisa palët të binden për këtë fakt dhe ta shndërrojnë në realitet juridik, politika do jetë e ngarkuar dhe me beteja të forta. Qeveria në këtë rast është më komode dhe besoj edhe vitin tjetër do jetë një spektatore komode e tollovisë opozitare?, tha Përmeti.

Ish deputeti thekson më tej se me terenin që ka krijuar opozita, qeveria aktuale e ka shumë më të lehtë për të fituar mandatin e katërt. ?E ardhmja e PD është vetëm ndarja, e cila në vetvete do sjell edhe shpëtimin e opozitës në tërësi. Sa nuk ka ndarje dhe palët ndeshen brenda siglës, PD vetëm do shkërmoqet, do hajë vetveten duke i lënë fushë të lirë PS për të fituar pa problem mandatin e katërt?, tha Përmeti për CNA.al-E.K