VIDEOMESAZH-Berisha uron shqiptarët për Vitin e Ri/ Tregon dy anët e medaljes së 2021

31 Dhjetor 2021, 14:46, Politikë CNA

Ish kryeministri Sali Berisha në prag të ndërrimit të viteve, ka uruar shqiptarët si dhe ka bërë një bilanc të vitit 2021.

Berisha zbulon dy anët e medaljes, atë të ndrishmen dhe të zezën në politikë per vitin 2021. Ai ka renditur një pas një ngjarjet më të rëndësishme të vitit, ku theksin e vuri të ringrijtja e opozitës.

Videomesazhin e tij e mbyll me një urim për të gjithë shqiptarët kudo ndodhen.

Berisha iu uron Gëzuar Vitin e Ri 2022.

?Të nderuar qytetarë dhe qytetarë shqiptarë. Vetëm pak orë na ndajnë nga ndërrimi i viteve. Me këtë rast ju uroj gëzuar vitin e ri 2022. Të jetë ky vit për ju me gëzime, suksese dhe mbarësi. Uroj të festoni të gëzuar, në udhëtime, spitale e institucione të mbrojtjes së dënimit. Siç është zakon secili nga nesh bën një bilanc. Viti që lamë pas shëmbëllen një mdelje me 2 anë. Njëra anë është e tmerrshme, e zezë.

Ndërsa ana tjetër, është medalje ari, e shndritshme. Në anën e zezë të kësaj medalje ato që do të vijnë pas nesh do të lexojnë fatkeqësitë siç janë mandati i 3 i narko-shtetit, zgjedhjet më të rrënuara të historisë së këtij vendi. Lexuesit do të lexojnë aktet madhore të tradhtisë kombëtare nga regjimi aktual. Po në këtë anë gjendjet i gdhendur akti politik më makabër i këtyre 30 viteve. Përpjekja e hapur për asgjësimin e pluralizmit politik shqiptar jo vetëm nëpërmjet dhunimit masiv të procesit elektoral, por më e keqja nëpërmjet marrjes peng të opozitës shqiptare. Fatmirësisht ky vit ka edhe anën tjetër të medaljes.

Në një moment kritik për pluralizmin politik shqiptar. Në një moment kritik për ekzistencën e opozitës së vërtetë shqiptare. Opozita shqiptare u ngrit si feniksi nga hiri, nga letargjia dhe gjendja e kohës që e kishte zhytur narkoshteti. Për herë të parë në historinë e një opozite, do të ishte anëtarësia që do të merrte në dorë fatet e partisë më të madhe opozitare dhe fatet e pluralizmit. Muajt e fundit të këtij viti ishin muajt e mrekullisë së lirisë. Ishin muajt ku sovrani mori në duart fatet e opozitës, në një seri foltoresh vloi ajo që unë e kam quajtur revolucioni demokratik i vitit 2021.

Ky revolucion u kurorëzua me Kuvendin Kombëtar të paparë ndonjëherë në histori, të thërritur nga anëtarësia. Aty u morën vendime historike për të ngritur opozitën shqiptare në lartësinë e idealeve, për të rikthyer votën e lirë në gjirin e PD dhe për të larguar një besëprerë, një njeri i cili në tetë vite rrënoi shpresat e demokratëve shqiptarë. Shkelmoi mbi lumenjtë e djersës, mundit e sakrificës për të çliruar Shqipërinë nga narko-shteti. Unë duke përfunduar këtë mesazh ju uroj nga zemra gëzuar vitin e ri 2022. Le të jetë ky vit plot shëndet, mbarësi, suksese e të mira për ju, familjet tuaj e të afërmit kudo që janë. Gëzuar!?, ka thënë në mesazhin e tij Berisha./CNA.al