E fundit!

16:22 Aktualitet

Vrasja e policit në Maliq/ Hita: Nëse DVP Korçë do kishte kërkuar ndihmë do ishin marrë masa më të forta

Kreu i Policisë së Shtetit Skënder Hita ka zbarkuar në Kor...

“Lulzim Basha si meme e gatshme”/ 10 gafat epike, nga perlat me shifrat tek lëmshi me datat historike

31 Dhjetor 2021, 14:30, Politikë CNA

Kryetari i shkarkuar i opozitës, Lulzim Basha do të mbahet mend si një politikan ?fenomenal? gafash, ligjerimet e të cilit janë kthyer shpesh në ?ushqim? për meme.

Janë të rralla daljet publike të Lulzim Bashës ku nuk lë pas një gafë, të cila me shpejtësi bëhet objekt humori.

Pika e dobët e Lulzim Bashës mbeten shifrat, aritmetika e të cilit shpesh ka ?gajasur? kuvendin.

E kush nuk e kujton ?7×7 bëjnë 42? , gjatë një debate me Ramën në Kuvend në 2017.

Duke llogaritur shifrat, Basha bëri një lapsus kur iu desh të shumëzonte 7 x 7, kur tha se bëjnë 42, në vend të 49. “Për 7 vjet, nga 7 milionë dollarë, 7 x 7 janë 42 milionë”, tha Basha, ndërsa salla e Kuvendit u përfshi nga të qeshurat. Por kreu i PD u ngatërrua edhe në mbledhjen e shumave. “49 + 36 bëjnë 95”, tha Basha, në një kohë kur bëjnë 85.

1 cm rrugë do kushtojë 2000 euro. (Me këtë çmim, 2 km bëjnë 400 milionë euro, shumëzuar me 30 m gjerësinë e unazës, i bie 12 miliardë euro, gati sa 10 herë rruga e kombit).

Humbëm 8 vite në këto 4 vite, 6 në 4 biznese dalin me humbje, flamuri i Kastriotëve u ngrit në 1944, ulja e çmimit të dritave me 300 lekë për litër, janë vetëm disa nga ?perlat? e Lulzim Bashës me shifrat.

Gjatë një takimi në Lezhë më 12 maj 2021 Basha është ngatërruar në fjalën e tij. Teksa fliste në vend të thoshte që lezhjanët, mirditorët dhe kurbinasit ia bënë 8 me 2 regjimit, tha ?5 me 2?.

Në shkurt të këtij viti Basha do merrte përsipër dhe detyrën solemne, të siguronte libra falas për nxënësit.

?Angazhohem të siguroj tekste shkollore të reja falas për 350 mijë nxënës?, do të ishin fjalët e Lulzim Bashës mes dhjetra premtimeve të tjera të paimagjinueshme për mesuesit e nxënësit. Megjithë vullnetin e mirë, Bashën duket se askush nuk e ka informuar se librat janë falas prej 5 vitesh tashmë.

Gjatë një takimi me bizneset në Durrës, më 26 shkurt 2021, Basha tha se PD do të liberalizojë tregun dhe do të ngrejë bursën e energjisë. Megjithëse bursa e energjisë u themelua në tetor të 2020.

Por Basha nuk është fenomen vetëm me shifrat por edhe me ndërtimin konceptual të fjalive dhe oratorisë proverbiale që ai përdor.

Shqiptarët e përdorin shpesh shprehjen ?Ta bëjmë natën ditë?, e cila mori përhapje të gjerë kur u përdor nga rilindasi Naim Frashëri në poezinë ?Fjalët e qiririt?.

??që t?u ap pakëzë dritë, natën t?ua bënj ditë.?

Në këtë stil ka dashur të përafrohet edhe Basha, por gjatë fjalimit ka bërë një ?lapsus? duke e përthyer kuptimin e këtij aforizmi.

?Ndaj le të angazhohemi bashkarisht, kudo që të ndodheni. Ta bëjmë ditën natë?, ështën shprehur Basha, video e cila u bë më pas virale në rrjet.

Basha do të linte nam dhe në ditën e Sulltan Novruzit.

Teksa uronte besimtarët bektashinj, në vend që të shprehej se kjo ditë e veçantë shënon ?fitoren e dritës mbi errësirën?, Lulzim Basha thotë të kundërtën, ?shënon fitoren e errësirës mbi dritën?.

Basha ka befasur edhe ne senatin amerikan. Gjatë një takimi në selinë e PD me Senatorët amerikanë dhe ambasadoren Yuri Kim, ai deklaroi se Senati amerikan kontrollohet nga Republikanët, ndërkohë që e vërteta është ndryshe.

Senati kontrollohet nga demokratët dhe kjo ka vetëm një arsye. Ndonëse Republikanët dhe Demokratët janë 50:50, zv.presidentja e demokratëve është kryetare e senatit dhe kjo u jep më shumë epërsi. Por mesa duket Basha nuk e ka pasur këtë informacion.

Këto janë vetëm disa nga gafat e Lulzim Bashës, gjatë vitit 2021 por dhe më herët./E.T-CNA.al