LEXO PA REKLAMA!

SHKARKO APP

DOKUMENTI-Inceneratorët “blenë” edhe Irfan Hysenbelliun/ Qindra milionë lekë për kompanitë e tij

4 Janar 2022, 10:32, Politikë CNA

DOKUMENTI-Inceneratorët “blenë” edhe Irfan Hysenbelliun/

Inceneratorët, afera më e akuzuar në këto 30 vite demokraci, ka shtrirë “kthetrat” edhe në media, duke blerë kohë televizive apo duke paguar fatura si reklamë, kur ka pasur muaj të tërë pa asnjë spot.

CNA.al ka raportuar në lidhje me kompanitë, ku pronarët e inceneratorëve janë në ortakëri me ish-drejtorin e Top Channel, Ben Blushin, dhe aksioneren e këtij televizioni Vjollca Hoxha. (Lexo këtu)

Por, kush mendon se janë ndalur vetëm në Top Channel dhe avokatia e këtij televizioni, e ka shumë gabim.

CNA.al ka siguruar dokumente ekskluzive nga grupi hetimor, të cilat tregojnë se media, televizione, portale, e gazetarë janë paguar nga pronarët e inceneratorëve. Para këto të justifikuara si “reklamë” për një kompani private. Fatura që paguhen rregullisht prej vitesh.

Një ndër personat i cili ka përfituar është edhe Irfan Hysenbelliu me një nga kompanitë e tij.

CNA.al ka siguruar të dhëna ekskluzive, të cilat tregojnë se Irfan Hysenbelliu dhe kompanitë e tij mediatike rezultojnë të jenë paguar qindra milionë lekë nga kompanitë e inceneratorëve të Klodian Zotos dhe Mirel Mërtirit. Inceneratorët një aferë që mban pas hekurave ish-ministrin e LSI Lefter Koka dhe Zoto e CO janë fshehur pasi kërkohen nga SPAK.

CNA.al ka siguruar të dhëna zyrtare nga hetimet që tregojnë se “Focus Media News” shpk, K21909002K, ka marrë pagesa sistematike nga kompanitë e inceneratorëve.

Burimet zyrtare tregojnë se Fokus Media News është kompani që administrohet nga ish-ministri i Ilir Metës, Mustafa Muçi në pronësi të FOCUS GROUP, me aksioner 100% shtetasin Irfan Hysenbelliu. Bashkëshortja e administratorit të Irfan Hysenbelliut, Mustafa Muçi rastësisht është dhe gjyqtarja Blerina Muçi  që ka në dorë vendimin për statutin e ndryshuar të Lulzim Bashës në muajin korrik. Tani nën dritën e fakteve si do sillet kjo zonjë? 

CNA.al po sjell fillimisht të dhëna që tregojnë se gjatë vitit 2021, Hysenbelliu është paguar me shuma të majme nga Inceneratorët, kuptohet gjithçka quhet reklamë, se për çfarë duhet reklama e landfillit këtë duhet ta saktësojnë eksperët e komunikimit.

Vetëm në gjysmën e parë të 2021 “Focus Media News”, ka marrë gati 100 milionë nga kompania e Klodian Zotos, të inceneratorëve.

Tabela e mëposhtme tregon se në shtatë muajt e vitit 2021, pra nga janari në korrik, Irfan Hysenbelliu është paguar me gati 11 mijë euro në muaj ose 13 milionë lekë.

Pra, është paguar në një total prej 91 milionë lekësh vetëm në 7 muaj të vitit 2021.

Këto pagesa që po sjellim më poshtë i përkasin vetëm vitit 2021, çfarë ka ndodhur më parë, sa kohë ka që paguhet Irfani e mediat e tij  dhe si është ndërtuar skema e pagesave  CNA.al do sjellë të tjera dokumente dhe detaje.

Sipas ekstraktit zyrtar, “Focus Media News” është regjistruar në QKB në datën 09/07/2002, në atë kohë nga Carlo Bolino, i cili zotëronte Neës24, Gazeta Shqiptare dhe Radio RASH.

Adresa ndodhet në Tiranë, Rruga Ali Demi, ish-kombinati i Autotraktorëve, Zyrat e Administratës.

Objekti i aktivitetit, Ushtrimi i veprimtarisë ekskluzive në fushën e radiotelevizioneve.

Dhe ortak i vetëm me 100% të kapitalit sot është “Focus Group”. Pra, grupi mediatik i Irfan Hysenbelliut.

Sikurse shikohet edhe nga ekstrakti në QKB, Irfan Hysenbelliu është ortak i vetëm, me 100% të kapitalit.

Fokus Media News është kompania për të cilën Hysenbelliu u përplas me bankierin e ndjerë Artan Santo, pas blerjes të aksioneve të kësaj kompanie nga Carlo Bolino. Në atë kohë mediat dhe rrethi i tyre shoqëror folën për një përplasje të ashpër mes tyre që shkonte deri tek kërcënimet e Hysenbelliut, ky i fundit shpesh u aludua në media si një nga pistat ku duhej hetuar vrasja e Santos.

Fokus Media News e Irfan Hysenbelliut ka marrë pagesa sistematike nga kompanitë e inceneratorëve.

CNA.al po sjell pagesat zyrtare të cilat SPAK i ka në dorë pas hetimeve të zhilluara. Hysenbelliu nuk është i vetmi por një nga shumë media që ka marrë pagesë nga inceneratorët.

Klozian Zoto dhe Mirel Mërtiri janë kujdesur që jashtë listës së tyre mos linin jo vetëm Irfanin me qindra milionë lekë por edhe gazetarë, portale, televizione periferike që janë paguar muaj pas muaji me dhjetra e qindra milionë lekë. Ditë pas dite CNA.al do zbardhë të gjithë klientelën mediatike të paguar nga Klodian Zoto dhe Mirel Mërtiri, kompanitë e inceneratorëve, ku nga taksat e shqiptarëve janë siguruar 178 milionë euro kontrata koncesionarë në një  aferë që pretendohet që shkon deri në 430 milionë euro.

SPAK tashmë ka në dorë edhe bëmat edhe gjëmat e inceneratorëve në bashkëpunim me klientelën mediatike./CNA.al

Skema korruptive e inceneratorëve/ Zyrtarët e përfshirë dhe ortakëritë me Ben Blushin dhe Vjollca Hoxhën

Mercenarët e inceneratorëve

Skandali-Nga pronarët e mediave tek kompanitë off shore/ Skema e plotë e koncesionit të inceneratorëve, emrat e përfshirë

Inceneratorët blenë mediat/ Miliona euro për televizione, portale dhe gazetarë

Dokumentet ekskluzive-Si u garantuan 128 milion euro/ Skema korruptive e inceneratorit të Tiranës, emrat dhe kompanitë e përfshira

Dokumentet ekskluzive-Skandali me tenderin e inceneratorit/ Kompania fituese pa asnjë aktivitet biznesi, shkeljet proceduriale

Skema korruptive e inceneratorëve/ Zyrtarët e përfshirë dhe ortakëritë me Ben Blushin dhe Vjollca Hoxhën

Koncesioni 128 milion euro/ Plas skandali në Shqipëri, kompania ndryshon emër në Hollandë

Ç’të bën borxhi, s’ta bën Zoti/ Si e “groposi” Edi Rama Irfan Hysenbelliun

Lajmet e fundit nga