web counter
LEXO PA REKLAMA!

SHKARKO APP

App Store
Google Play

Sot afati i fundit i ultimatumit të demokratëve/ Bashës i prishet gjumi

5 Janar 2022, 08:46, Politikë CNA

Pesë Janari, është edhe afati i fundit që Komisioni i Përkohshëm për Rithemelimin e PD i ka dhënë Lulzim Bashës, për të liruar zyrën në selinë e PD.

Mesa duket ultimatumi për të lëshuar zyrën, i ka prishur gjumin Bashës.

Si rrallë herë, Lulzim Basha është zgjuar herët sot, dhe ka bërë një postim në faqen e tij në rrjetet sociale.

Në postimin e tij, Basha ka përkujtuar 31 vjetorin e krijimit të gazetës Rilindja Demokratike, ndërsa e cilëson këtë të fundit si themeluese të shtypit të lirë shqiptar.

?Mëngjesin e 5 janarit 1991, pas një pritje gjysmë shekullore, ?Fjala e parë? mbërriti në duart e shqiptarëve. Rilindja Demokratike, e para media opozitare në Shqipëri, u bë themeluesja e shtypit të lirë shqiptar, duke shënuar përgjithmonë historinë e re të vendit. Një tribunë refleksionesh mbi regjimin komunist e të shkuarës dhe mbi demokracinë e shumëpritur të së ardhmes, vepër e intelektualëve, gazetarëve, studentëve, që i’u bashkuan prej orës së parë Partisë Demokratike, për të sjellë fjalën e lirë, votën e lirë dhe ribashkimin me Perëndimin.

Në këtë përvjetor të 31-të, dua të shpreh mirënjohjen time dhe të Partisë Demokratike për të gjithë drejtuesit, kryeredaktorët dhe gazetarët e Rilindjes Demokratike, të cilët kanë kontribuar për lindjen dhe zhvillimin e bijës së lirisë, si mbrojtëse e interesit publik, promovuese e vlerave universale të njeriut dhe vokacionit tonë perëndimor, në ditë të mira dhe të vështira.

Dhe të vështira janë ditët e sotme për mediat. Në një atmosferë mbytëse për lirinë e tyre, mes plagëve të vjetra të tranzicionit dhe të rejave të kësaj kohe sfiduese për të vërtetën, ato ka nevojë për inkurajim dhe mbështetje të gjithanshme, që askush të mos prekë fjalën e lirë sepse nëpërmjet saj ne mbrojmë të vërtetën, si një gjest shërimi për të parë me guxim dhe shpresë nga e ardhmja.

Gëzuar!?-shkruan Basha./CNA.al





Lajmet e fundit nga